ວັນທີ 27 ຕຸລານີ້, ກອງທຶນອະນຸລັກສັດປ່າໂລກ ຫຼື WWF ໄດ້ເປີດເຜີຍບົດລາຍງານຫຼ້າສຸດ ສະແດງໃຫ້ເຫັນວ່າ, ຍ້ອນຖືກຜົນກະທົບຈາກນ້ຳມືຂອງມະນຸດ, ຈຳນວນສັດປ່າທົ່ວໂລກໄດ້ຫຼຸດລົງ 58% ແຕ່ປີ 1970 ເປັນຕົ້ນມາ ແລະຖ້າບໍ່ໃຊ້ມາດຕະການທີ່ເດັດຂາດ, ສັດປ່າ 2 ສ່ວນ 3 ໃນໂລກອາດຈະສູນພັນພາຍໃນ 10 ປີ.
ບົດລາຍງານດັ່ງກ່າວໄດ້ຮຽບຮຽງໂດຍອີງຕາມຜົນການຕິດຕາມທ່າຂະຫຍາຍຂອງສັດ 3706 ຊະນິດເຊິ່ງລວມທັງສັດຈຳພວກມີກະດູກສັນຫຼັງ 14152 ໝວດໃນແຫ່ງຕ່າງໆທົ່ວໂລກ. ແນວໃດກໍດີ, ຖ້າຫາກວ່າຕົວເລກດັ່ງກ່າວແນ່ນອນ ກໍໝາຍຄວາມວ່າ, ສັດຈຳພວກມີກະດູກສັນຫຼັງໃນໂລກ ກຳລັງສູນພັນດ້ວຍຄວາມໄວ 2% ຕໍ່ປີ.
ທ່ານ ມາທິນ ໄທເລີ ນັກວິທະຍາສາດຂອງ WWF ເນັ້ນວ່າ, ການທີ່ສັດແລະປາສູນພັນໃນໂລກນັ້ນ ບໍ່ພຽງແຕ່ເປັນການນາບຂູ່ຈາກຄວາມຫຼາກຫຼາຍຂອງຊີວະນານາພັນເທົ່ານັ້ນ, ຫາກຍັງໄດ້ຮັບຜົນສະທ້ອນທີ່ໜັກໜ່ວງຕໍ່ມະນຸດທີ່ເປັນສັດປະເສີດຂອງໂລກ. ຈາກນີ້, ລັດຖະບານປະເທດຕ່າງໆຕ້ອງໃຊ້ມາດຕະການສະກັດກັ້ນບໍ່ໃຫ້ໜ່ວຍພິພົບນີ້ສະລາຍໄປຢ່າງຊ້າໆ.