ນະຄອນຫຼວງປັກກິ່ງສະໜອງພາຫະນະໃຫ້ລາວເພື່ອຮັບໃຊ້ກອງປະຊຸມເຈົ້າຄອງຕົວເມືອງອາຊຽນຄັ້ງທີ 4 ປີ 2016
ພິທີມອບ-ຮັບພາຫະນະຈາກນະຄອນຫຼວງປັກກິ່ງເພື່ອຮັບໃຊ້ກອງປະຊຸມເຈົ້າຄອງຕົວເມືອງອາຊຽນຄັ້ງທີ 4 ປີ 2016ທີ່ລາວໄດ້ຮັບກຽດເປັນເຈົ້າພາບນັ້ນໄດ້ຈັດຂຶ້ນໃນຕອນບ່າຍວັນທີ 31 ຕຸລາຜ່ານມາຢູ່ສຳນັກງານອົງການປົກຄອງນະຄອນຫຼວງວຽງຈັນໂດຍທ່ານກ່ວນຮວາປິງ ເອກອັກຄະລັດຖະທູດຈີນປະຈຳລາວທີ່ຕາງໜ້າອົງການປົກຄອງນະຄອນຫຼວງປັກກິ່ງມອບລົດຕູ້ 11 ຄັນໃຫ້ທ່ານສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນໂດຍມີຜູ້ຕາງໜ້າຈາກສະຖານທູດຈີນປະຈຳລາວພ້ອມດ້ວຍພາກສ່ວນກ່ຽວຂ້ອງຂອງອົງການປົກຄອງນະຄອນຫຼວງວຽງຈັນເຂົ້າຮ່ວມເປັນສັກຂີພິຍານ.
ທ່ານສິນລະວົງ ຄຸດໄພທູນ ໄດ້ກ່າວສະແດງຄວາມຂອບໃຈຢ່າງຈິງໃຈຕໍ່ການຊ່ວຍເຫຼືອອັນລ້ຳຄ່າຂອງນະຄອນຫຼວງປັກກິ່ງທັງກ່າວວ່າ ລົດຕູ້ 15 ບ່ອນນັ່ງ 11 ຄັນທີ່ນະຄອນຫຼວງປັກກິ່ງມອບໃຫ້ນັ້ນຈະນຳໄປຮັບໃຊ້ກອງປະຊຸມເຈົ້າຄອງຕົວເມືອງອາຊຽນຄັ້ງທີ 4 ທີ່ຈະຈັດຂຶ້ນໃນປີ 2016 ນີ້ ເຊິ່ງເປັນການປະກອບສ່ວນສຳຄັນເຂົ້າໃນການຕ້ອນຮັບຂອງອົງການປົກຄອງນະຄອນຫຼວງວຽງຈັນ ແລະການຊ່ວຍເຫຼືອເທື່ອນີ້ໄດ້ສ່ອງແສງໃຫ້ເຫັນມິດຕະພາບລະຫວ່າງປະຊາຊົນສອງຊາດລາວ-ຈີນ. ແນວໃດກໍດີ, ຫວັງວ່າໃນຕໍ່ໜ້າ, ສອງປະເທດຈະເສີມຂະຫຍາຍສາຍພົວພັນຄູ່ຮ່ວມມືຍຸດທະສາດຮອບດ້ານໃຫ້ກ້າວສູ່ລວງເລິກຢ່າງບໍ່ຢຸດຢັ້ງ ເພື່ອນຳເອົາຄວາມສົມບູນພູນສຸກມາສູ່ປະຊາຊົນສອງຊາດໃຫ້ຫຼາຍກວ່າເກົ່າ.
1 2 
