ພິທີສ້າງຕັ້ງສະຫະພັນສະມາຄົມຜູ້ຊົງຄຸນວຸດທິມະຫາວິທະຍາໄລຈີນ-ອາຊຽນໄດ້ຈັດຂຶ້ນຢູ່ມະຫາວິທະຍາໄລກວາງຊີຈີນໃນວັນທີ 31 ຕຸລາຜ່ານມາ ໂດຍຜູ້ຕາງໜ້າຈາກມະຫາວິທະຍາໄລກວາງຊີ, ມະຫາວິທະຍາໄລຢຸນນານແລະສະຖາບັນການສຶກສາຊັ້ນສູງອື່ນໆຂອງຈີນພ້ອມດ້ວຍສະຖາບັນການສຶກສາຊັ້ນສູງຂອງບັນດາປະເທດໃນອາຊຽນ 80 ທ່ານເຂົ້າຮ່ວມ.
ທ່ານລຽງຢິງ ຫົວໜ້າສະຖາບັນຄົ້ນຄວ້າຈີນ-ອາຊຽນມະຫາວິທະຍາໄລກວາງຊີເປັນປະທານໄດ້ກ່າວໃນພິທີດັ່ງກ່າວວ່າ ສະຫະພັນສະມາຄົມຜູ້ຊົງຄຸນວຸດທິມະຫາວິທະຍາໄລຈີນ-ອາຊຽນຈະອີງໃສ່ ວິຊາຮຽນແລະທ່າແຮງຂອງຜູ້ມີຄວາມຮູ້ຄວາມສາມາດໃນມະຫາວິທະຍາໄລຈີນ-ອາຊຽນເພື່ອສ້າງຕັ້ງເວທີ ລະດັບສາກົນສຳລັບຄົ້ນຄວ້າບັນຫາອາຊຽນເພື່ອສົ່ງເສີມການແລກປ່ຽນແລະຮ່ວມມືກັນລະຫວ່າງສະມາຄົມຜູ້ຊົງຄຸນວຸດທິມະຫາວິທະຍາໄລຂອງຈີນແລະອາຊຽນ ທັງເປັນສິ່ງຄ້ຳປະກັນດ້ານທິດສະດີແລະເປັນພື້ນຖານໃນການປະຕິບັດຕົວຈິງໃຫ້ແກ່ການຮ່ວມມືລະຫວ່າງຈີນ-ອາຊຽນໃນຂົງເຂດການເມືອງ,ເສດຖະກິດ,ວັດທະນະທຳແລະອື່ນໆ.
ພິທີດັ່ງກ່າວຍັງໄດ້ເປີດເຜີຍສານລິເລີ່ມຮ່ວມກັນກໍ່ສ້າງສະຫະພັນສະມາຄົມຜູ້ຊົງຄຸນວຸດທິຈີນ-ອາຊຽນເຊິ່ງລະບຸວ່າ: ໃນຕໍ່ໜ້າ, ສະຫະພັນດັ່ງກ່າວຈະຄົ້ນຄວ້າຫຼາຍດ້ານເຊັ່ນການຮ່ວມມືຈີນ-ອາຊຽນ, ຂະບວນການເຊື່ອມໂຍງເຂົ້າເປັນອັນໜຶ່ງອັນດຽວກັນຂອງເສດຖະກິດພາກພື້ນຈີນ-ອາຊຽນແລະອື່ນໆ.