ກົມທະເລແຫ່ງຊາດຈີນໄດ້ປະກາດ "ແຜນການຂອບການຮ່ວມມືສາກົນຢູ່ທະເລຈີນໃຕ້ແລະເຂດທະເລອ້ອມຂ້າງ 2016-2020" ຢູ່ເມືອງເຊ້ຍເໝີນ ແຂວງຝູຈ້ຽນ ໃນຕອນເຊົ້າວັນທີ 4 ພະຈິກນີ້ ບົນພື້ນຖານປະສານສົມທົບກັບຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຢ່າງຈະແຈ້ງ, ກຳນົດຂອບດຳເນີນງານແຫ່ງການຮ່ວມມືລະຫວ່າງຈີນກັບປະເທດ ແລະ ເຂດແຄວ້ນອ້ອມທະເລຈີນໃຕ້ ພ້ອມອົງການຈັດຕັ້ງສາກົນໃນ 7 ຂົງເຂດ ເປັນຕົ້ນ ເສດຖະກິດ, ນະໂຍບາຍ ແລະ ສິ່ງແວດລ້ອມທາງທະເລ ໃນໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ 13.
ໃນແຜນການດັ່ງກ່າວໄດ້ຕື່ມຂົງເຂດການພັດທະນາແລະນຳໃຊ້ຊັບພະຍາກອນທາງທະເລ ແລະ ການຮ່ວມມືພັດທະນາເສດຖະກິດສີຄາມ ເພື່ອຊຸກຍູ້ການເຊື່ອມຈອດທາງທະເລ ແລະ ຍົກລະດັບການເປີດປະຕູສູ່ພາຍນອກດ້ານເສດຖະກິດທາງທະເລ ລະຫວ່າງຄູ່ຮ່ວມມືຕື່ມອີກ.
ກົມທະເລແຫ່ງຊາດຈີນ ໄດ້ປະກາດ "ແຜນການຂອບການຮ່ວມມືສາກົນຢູ່ທະເລຈີນໃຕ້ແລະເຂດທະເລອ້ອມຂ້າງ 2011-2015" ເມື່ອເດືອນມັງກອນປີ 2012 ໂດຍອາຊຽນ, ອາຊີໃຕ້ ແລະ ບາງປະເທດອາຟຣິກາ ໄດ້ຕັ້ງໜ້າເຂົ້າຮ່ວມແລະໄດ້ຮັບໝາກຜົນຢ່າງອຸດົມສົມບູນ.