ແມ່ນແຕ່ກາງຄືນປະຊາຊົນອິນເດຍຍັງໄປຖອນເງິນຢູ່ຕູ້ATM
ວັນທີ 8 ພະຈິກນີ້, ທ່ານນາເຣັນດຣາ ໂມດີ ນາຍົກລັດຖະມົນຕີອິນເດຍຖະແຫຼງວ່າ ປະເທດຕົນເລີກໃຊ້ທະນະບັດໃບ 500 ແລະ 1000 ຣູປີ ເພື່ອແກ້ໄຂບັນຫາການສໍ້ລາດບັງຫຼວງ,ການສ້າງລາຍຮັບແບບຜິດກົດໝາຍແລະເງິນປອມໂດຍມີຜົນບັງຄັບໃຊ້ນັບແຕ່ທ່ຽງຄືນວັນທີ 8 ພະຈິກນີ້ເປັນຕົ້ນໄປ.
ກະຊວງການເງິນອິນເດຍຢືນຢັນວ່າ: ມາດຕະການຂອງທ່ານໂມດີເປັນມາດຕະການທີ່ມີຄວາມກ້າຫານ,ເຂັ້ມແຂງແລະມີລັກສະນະຕັດສິນເພື່ອຕໍ່ຕ້ານການສ້າງລາຍຮັບແບບຜິດກົດໝາຍແລະເງິນປອມ.
ຈາກມາດຕະການດັ່ງກ່າວ, ທະນາຄານທົ່ວປະເທດອິນເດຍຈິ່ງປິດບໍລິການ 1 ວັນ ແລະຕູ້ATMກໍປິດບໍລິການ 1 ວັນເຊັ່ນກັນ.ຂະນະດຽວກັນ, ທະນາຄານກາງອິນເດຍຈະພິມທະນະບັດໃໝ່ມູນຄ່າ 500 ແລະ 2000 ຣູປີໃນວັນທີ 10 ພະຈິກນີ້.
