ວັນທີ 9 ພະຈິກນີ້, ທ່ານ ສິຈິ້ນຜິງ ປະທານປະເທດຈີນໄດ້ສົ່ງໂທລະເລກຊົມເຊີຍທ່ານ ໂດນັນ ທຣັມ ທີ່ໄດ້ຮັບເລືອກຕັ້ງເປັນປະທານາທິບໍດີອາເມລິກາຄົນໃໝ່.
ໃນໂທລະເລກຊົມເຊີຍ, ທ່ານ ສິຈິ້ນຜິງ ກ່າວວ່າ: ຈີນ-ອາເມລິກາມີຜົນປະໂຫຍດຮ່ວມທີ່ກວ້າງຂວາງ. ຂະນະທີ່ສອງປະເທດພັດທະນາສາຍພົວພັນດ້ວຍຄວາມປອດໃສແລະໝັ້ນທ່ຽງເປັນເວລາຍາວນານນັ້ນ ລ້ວນແຕ່ສອດຄ່ອງກັບຜົນປະໂຫຍດພື້ນຖານຂອງປະຊາຊົນສອງຊາດທັງເປັນສິ່ງທີ່ປະຊາຄົມໂລກຄອງຄອຍ. ຂ້າພະເຈົ້າໃຫ້ຄວາມສຳຄັນສູງຕໍ່ສາຍພົວພັນລະຫວ່າງສອງປະເທດແລະພ້ອມຈະພະຍາຍາມຮ່ວມກັບທ່ານ, ຖືຫຼັກການບໍ່ປະທະກັນແລະບໍ່ເປັນປໍລະປັກກັນ, ເຄົາລົບເຊິ່ງກັນແລະກັນແລະຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ, ເປີດກວ້າງການຮ່ວມມືໃນຂົງເຂດຕ່າງໆລະຫວ່າງສອງຝ່າຍກໍຄືການຮ່ວມມືໃນພາກພື້ນແລະທົ່ວໂລກ. ຂະນະດຽວກັນກໍຄວບຄຸມຄວາມຂັດແຍ້ງກັນດ້ວຍວິທີສ້າງສັນ ເພື່ອຊຸກຍູ້ສາຍພົວພັນລະຫວ່າງຈີນ-ອາເມລິກາໃຫ້ໄດ້ຮັບຄວາມຄືບໜ້າໃຫຍ່ຫຼວງກວ່າເກົ່າບົນຈຸດເລີ່ມຕົ້ນໃໝ່ແລະນຳເອົາຄວາມຜາສຸກໃຫ້ແກ່ປະຊາຊົນສອງປະເທດກໍຄືປະເທດຕ່າງໆໃນໂລກໃຫ້ດີກວ່າເກົ່າ.
ມື້ດຽວກັນ, ທ່ານ ຫຼີຢວນຊາວ ຮອງປະທານປະເທດກໍໄດ້ສົ່ງໂທລະເລກຊົມເຊີບທ່ານ ໄມຄ໌ ແປນສ໌ ທີ່ໄດ້ຮັບການເລືອກຕັ້ງເປັນຮອງປະທານາທິບໍດີອາເມລິກາ.