ຕາມຂ່າວ CRI: ການວາງສະແດງຮູບພາບໃນຫົວຂໍ້ "ທ່ານຊູ່ນຢັດຊຽນ, ຊາວຈີນຕ່າງດ້າວແລະຊາວຕ່າງປະເທດເຊື້ອສາຍຈີນ" ໄດ້ຈັດຂຶ້ນຢູ່ສູນກິລາທາງນ້ຳແຫ່ງຊາດນະຄອນຫຼວງປັກກິ່ງໃນວັນທີ 9 ພະຈິກນີ້. ການວາງສະແດງທີ່ຈັດໂດຍຫ້ອງການວຽກງານຊາວຈີນຕ່າງດ້າວແລະຊາວຕ່າງປະເທດເຊື້ອສາຍຈີນຂອງ ລັດຖະບານຈີນແລະສະມາຄົມແລກປ່ຽນກັບພາຍນອກຈີນຄັ້ງນີ້ໄດ້ນຳເອົາຮູບພາບ 75 ພາບແລະແບ່ງອອກເປັນ 3 ພາກໃຫຍ່ຄື: "ຊີວິດຮຸ່ງເຮືອງຂອງທ່ານຊູ່ນຢັດຊຽນ", "ຊາວຈີນຕ່າງດ້າວແລະຊາວຕ່າງປະເທດເຊື້ອສາຍຈີນເປັນມານດາຂອງການປະຕິຮູບ" ແລະ "ສືບທອດປະນິທານຂອງທ່ານຊູ່ນຢັດຊຽນເພື່ອບັນລຸຄວາມໃຝ່ຝັນການສ້າງປະເທດໃຫ້ມີຄວາມເຂັ້ມແຂງ" ທັງມີຄຳອະທິບາຍຮູບເປັນພາສາຈີນແລະອັງກິດ. ການວາງສະແດງດັ່ງກ່າວຈະດຳເນີນເປັນເວລາ 1 ເດືອນເຊິ່ງນອກຈາກຈັດຢູ່ຈີນແລ້ວຍັງຈະໄປວາງສະແດງຢູ່ 20 ກວ່າປະເທດແລະເຂດແຄວ້ນຕື່ມອີກ.