ແຫ່ງຕ່າງໆໃນທົ່ວໂລກລະນຶກວັນກຳເນີດຂອງທ່ານຊຸນຢິດເຊັນກຳເນີດຄົບຮອບ 150 ປີ
2016-11-13 11:47:21 cri
ໃນຫຼາຍມື້ມໍ່ໆມານີ້ ສະຖານທູດຈີນປະຈຳຫຼາຍປະເທດ ກໍ່ຄື ຊາວຈີນຕ່າງດ້າວ ແລະບຸກຄົນຜູ້ມີມິດຕະພາບຕໍ່ຈີນຂອງຫຼາຍປະເທດໄດ້ຈັດງານສົນທະນາ ແລະງານລາຕີຂຶ້ນ ເພື່ອລະນຶກວັນກຳເນີດຂອງທ່ານຊຸນຢິດເຊັນຄົບຮອບ 150 ປີ, ແລະຫວນຄືນຕະຫຼອດຊີວິດຂອງທ່ານຊຸດຢິດເຊັນທີ່ສູ້ຊົນເພື່ອພາລະກິດປະຕິວັດ ແລະການສ້າງຊາດໃຫ້ຈະເລີນ.
ທ່ານຫຼິວຄາຍ ຮອງປະທານປະຈຳສະມາຄົມຊຸກຍູ້ການໂຮມປະເທດຈີນເຂົ້າເປັນເອກະພາບຂອງຊາວຈີນທີ່ອາໃສຢູ່ອັງກິດກ່າວວ່າ, ຈາກທ່ານຊຸນຢິດເຊັນ ພວກເຮົາໄດ້ຮຽນຮູ້ວ່າ, ການທີ່ຮັກປະເທດຈີນ ກ່ອນອື່ນແມ່ນຕ້ອງຄັດຄ້ານການແບ່ງແຍກ, ຕ້ອງສຸມໃສ່ການໂຮມເຂົ້າເປັນເອກະພາບກັນໂດຍສັນຕິ, ສາມັກຄີຊາດ ແຕ່ກໍ່ບໍ່ປະຕິເສດການແກ້ໄຂຄວາມແຕກແຍກກັນດ້ວຍກຳລັງການທະຫານ.
ວັນທີ 11 ພະຈິກນີ້ ສະຖານທູດຈີນປະຈຳອາເມລິກາໄດ້ຈັດງານສຳມະນາເພື່ອລະນຶກວັນກຳເນີດຂອງທ່ານຊຸດຢິດເຊັນ ແລະງານວາງສະແດງຮູບຖ່າຍພາຍໃຕ້ຫົວຂໍ້ "ທ່ານຊຸນຢິດເຊັນກັບ ຊາວຈີນຕ່າງດ້າວ". ຊາວຈີນທີ່ອາໃສຢູ່ອາເມລິກາ, ນັກສຶກສາຈີນທີ່ຮຽນຢູ່ອາເມລິກາ ແລະຜູ້ແທນຂອງອົງການທຶນຈີນປະຈຳຢູ່ອາເມລິກາເກືອບ 4 ຮ້ອຍຄົນໄດ້ເຂົ້າຮ່ວມ.
