ຮູບທາດຫຼວງຍາມລາຕີນະຄອນຫຼວງວຽງຈັນສປປລາວທີ່ຖ່າຍທາງອາກາດໃນຄືນວັນທີ 12 ພະຈິກນີ້. ທາດຫຼວງເປັນບູຊະນີຍະສະຖານທີ່ມີຊື່ສຽງທີ່ສຸດຂອງລາວ ໂດຍຕັ້ງສູງສະຫງ່າ ແລະຮຸ່ງເຮືອງເຫຼືອງເຫຼື້ອມ ເຊິ່ງເປັນສັນຍະລັກຂອງນະຄອນຫຼວງວຽງຈັນເປັນສູນລວມຈິດແລະມິ່ງຂວັນຂອງປວງຊົນລາວບັນດາເຜົ່າທັງເປັນໜຶ່ງໃນບັນດາບູຮານສະຖານທີ່ສຳຄັນຂອງອາຊີຕາເວັນອອກສຽງໃຕ້. ເດີ່ນທາດຫຼວງມີຄວາມກວ້າງໃຫຍ່ທີ່ສຸດຂອງວຽງຈັນແລະແຕ່ລະປີພໍເຖິງເດືອນພະຈິກຈະຈັດບຸນນະມັດສະການພະທາດຫຼວງຢ່າງຍິ່ງໃຫຍ່ມະໂຫລານ.