ຕາມຂ່າວ CRI: ສະຖານທູດ ສປ ຈີນປະຈຳ ສປປ ລາວ ໄດ້ນຳພາສະຖາບັນຂົງຈື້ຂອງມະຫາວິທະຍາໄລແຫ່ງຊາດລາວແລະອາສາສະໝັກຊາວໜຸ່ມຈີນ (ຊຽງໄຮ) ຊຸດທີ 8 ຈັດກິດຈະກຳ "ສົ່ງເສີມວັດທະນະທຳຈີນທີ່ໂຮງຮຽນ" ຢູ່ໂຮງຮຽນປະຖົມສົມບູນໂສກປ່າຫຼວງແລະໂຮງຮຽນມັດທະຍົມສົມບົນວຽງຈັນ ໃນວັນທີ 18 ພະຈິກນີ້ ເພື່ອເພີ່ມຄວາມເຂົ້າໃຈແລະໄດ້ສຳຜັດກັບຈຸດພິເສດແລະມົນສະເໜ່ຂອງວັດທະນະທຳທີ່ເປັນມູນເຊື້ອຂອງຈີນໃຫ້ແກ່ອາຈານແລະນັກຮຽນທັງ 2 ໂຮງຮຽນດັ່ງກ່າວ.
ທ່ານ ຈ້າວເສີນກ່າງ ທີ່ປຶກສາການເມືອງຂອງສະຖານທູດ ສປ ຈີນປະຈຳ ສປປ ລາວກ່າວໃນໂອກາດເຂົ້າຮ່ວມກິດຈະກຳຢູ່ໂຮງຮຽນປະຖົມສົມບູນໂສກປ່າຫຼວງວ່າ: ປະຊາຊາດຈີນມີປະຫວັດສາດມາຍາວນານເຖິງ 5.000 ປີແລະມີວັດທະນະທຳ ຫຼາຍສີສັນອີກດ້ວຍ. ແນວໃດກໍດີ, ຫວັງວ່າບັນດານັກຮຽນຈະສົນໃຈແລະໄປທັດສະນະສຶກສາຫຼືສຶກສາຕໍ່ຢູ່ຈີນ ທັງເຂົ້າໃຈຈີນຢ່າງເລິກເຊິ່ງແລະເປັນທູດການພົວພັນໄມຕີຈິດມິດຕະພາບລະຫວ່າງຈີນ-ລາວ ເພື່ອປະກອບສ່ວນເຂົ້າໃນການພັດທະນາສາຍພົວພັນລະຫວ່າງສອງປະເທດໃນຍຸກສະໄໝໃໝ່, ຮ່ວມກັນສ້າງອະນາຄົດທີ່ສົດໃສແຫ່ງສາຍພົວພັນມິດຕະພາບລະຫວ່າງສອງປະເທດ.
