ຕອນຄ່ຳວັນທີ 18 ພະຈິກນີ້, ທ່ານຈິງໄຫເຜິງແລະທ່ານເສິນຕຸ່ງ ນັກບິນອະວະກາດທີ່ສຳເລັດໜ້າທີ່ໃນຫ້ອງທົດລອງທາງອະວະກາດ "ທ່ຽນກົ່ງ2" ແລະການບິນບັນທຸກຄົກຂອງຍານອະວະກາດ "ເສີນໂຈ່ວ11" ໄດ້ຂີ່ຍົນພິເສດ ຈາກມົງໂກໄນກັບຄືນຮອດນະຄອນຫຼວງປັກກິ່ງ.
ນັກບິນອະວະກາດສອງທ່ານດັ່ງກ່າວຈະເຂົ້າສູ່ໄລຍະຖືກກັກຕົວທາງແພດສາດ, ເພື່ອດຳເນີນການກວດກາທາງແພດສາດແລະປະເມີນສຸຂະພາບຢ່າງຮອບດ້ານ.
ໃນເວລາ 13 ໂມງ 59 ນາທີຂອງວັນທີ 18 ພະຈິກນີ້, ຫ້ອງກັບຄືນຂອງຍານອະວະກາດ "ເສີນໂຈ່ວ11" ໄດ້ລົງຈອດຢູ່ເຂດທີ່ກຳນົດໄວ້ລ່ວງໜ້າທີ່ພາກກາງເຂດມົງໂກໄນຢ່າງສຳເລັດຜົນ.
ຍານອະວະກາດ"ເສີນໂຈ່ວ11"ໄດ້ຖືກສົ່ງຂຶ້ນສູ່ອະວະກາດຢູ່ສູນສົ່ງດາວທຽມຈິວຊວນໃນເວລາ 7 ໂມງເຄິ່ງວັນທີ 17 ຕຸລາແລ້ວນີ້, ຫຼັງຈາກນັ້ນໄດ້ເຊື່ອມຕໍ່ກັບຫ້ອງທົດລອງທາງອະວະກາດ"ທ່ຽນກົ່ງ2", ນັກບິນອະວະກາດສອງທ່ານດັ່ງກ່າວໄດ້ເຂົ້າປະຈຳຢູ່ຫ້ອງທົດລອງ"ທ່ຽນກົ່ງ2" ເປັນເວລາ 30 ວັນ, ໄດ້ສຳເລັດການທົດລອງວິທະຍາສາດແລະເຕັກນິກທາງອະວະກາດຫຼາຍຢ່າງໃນໄລຍະບິນຕາມໂຄຈອນ.