ຕະຫຼອດ 13 ປີທີ່ຜ່ານມາ, ບໍ່ວ່າຝົກຕົກຫຼືແດດອອກ, ທ່ານ ເຊີນສື່ ກໍຈະຂີ່ລົດຖີບໄຟຟ້າໃນໄລຍະທາງ 20 ກິໂລແມັດມາຂົວແມ່ນ້ຳຢາງຊີກຽງເມືອງນານກິ່ງ ເຊິ່ງເປັນສະຖານທີ່ທີ່ມີອັດຕາຂ້າໂຕຕາຍຫຼາຍທີ່ສຸດຂອງຈີນໃນທຸກໆທ້າຍອາທິດ ເພື່ອປ້ອງກັນຜູ້ຫວັງຂ້າໂຕຕາຍ ໂດຍນັບແຕ່ປີ 2003 ເປັນຕົ້ນມາ ສາມາດຊ່ວຍຊີວິດໄດ້ 321 ຄົນແລ້ວ.
ທ່ານໃຫ້ສຳພາດຕໍ່ນັກຂ່າວວ່າ: "ຂ້າພະເຈົ້າເຄີຍເປັນດັ່ງພວກເຂົາ ແລະກໍໄດ້ຮັບການຊ່ວຍເຫຼືອຈາກຊາວບ້ານທີ່ໃຈບຸນ. ເວລານັ້ນ, ຂ້າພະເຈົ້າທຸກຍາກຫຼາຍ, ດຳລົງຊີວິດດ້ວຍການຂາຍຜັກຢູ່ເມືອງນານກິ່ງ ແລະຫຼັງຈາກໄດ້ຮັບການຊ່ວຍເຫຼືອແລະຊີວິດຂ້າພະເຈົ້າດີຂຶ້ນແລ້ວ, ກໍມີຄວາມມຸ່ງຫວັງຈະຊ່ວຍຜູ້ອື່ນເພື່ອຊອກໄດ້ເສັ້ນທາງແຫ່ງຄວາມຫວັງ."