ຕາມຂ່າວສານຊິນຮວາ:ວັນທີ 29 ພະຈິກນີ້,ທ່ານສີຈິ້ນຜີງ ເລຂາທິການໃຫຍ່ສູນກາງພັກກອມມູນິດຈີນ,ປະທານປະເທດ,ປະທານຄະນະກຳມະການການທະຫານສູນກາງຈີນໄດ້ເດີນທາງໄປສະຖານທູດກູບາປະຈຳປະເທດຈີນເພື່ອໄວ້ອາໄລເຖິງທ່ານຟີແດນ ກັສໂຕຣ ຜູ້ນຳການປະຕິບັດກູບາທີ່ເຖິງແກ່ມໍລະນະກຳ.
ໃນການໄວ້ອາໄລ,ທ່ານສີຈິ້ນຜີງກ່າວວ່າ,ສະຫາຍຟີແດນ ກັສໂຕຣແມ່ນຜູ້ສ້າງຕັ້ງພັກກອມມູ ນິດກູບາແລະພາລະກິດສັງຄົມນິຍົມກູບາ,ແມ່ນຜູ້ນຳທີ່ຍິ່ງໃຫຍ່ຂອງປະຊາຊົນກູບາ.ທ່ານເປັນບຸກຄົນທີ່ຍິ່ງໃຫຍ່ຂອງຍຸກສະໄໝພວກເຮົາ,ທ່ານໄດ້ສ້າງຄຸນງາມຄວາມດີທີ່ບໍ່ມີວັນມົວໝອງທາງປະຫວັດສາດແຫ່ງການພັດທະນາສ້າງຕັ້ງສັງຄົມນິຍົມແລະສະໜັບສະໜູນພາລະກິດອັນເປັນທຳຂອງປະເທດຕ່າງໆເຊິ່ງຈະຖືກຈາລຶກໄວ້ຊົ່ວນິລັນ.ຂ້າພະເຈົ້າມາໄວ້ອາໄລໃນມື້ນີ້ກໍເພື່ອສະແດງໃຫ້ສະຫາຍເພື່ອນມິດກູບາເຫັນວ່າ,ໃນໄລຍະພິເສດນີ້,ພັກ, ລັດຖະບານແລະປະຊາຊົນຈີນຈະຢືນຢູ່ຄຽງຂ້າງພັກ,ລັດຖະບານແລະປະຊາຊົນກູບາຢ່າງສະເໝີຕົ້ນສະເໝີປາຍແລະເຊື່ອໝັ້ນວ່າ,ພາຍໃຕ້ການນຳພາອັນເຂັ້ມແຂງຂອງປະທານຣາອຸນ ກັສໂຕຣ,ພັກ ລັດຖະບານແລະປະຊາຊົນກູບາຈະສືບທອດພາລະກຳຂອງສະຫາຍຟີແດນ ກັສໂຕຣຫັນຄວາມໂສກເສົ້າເປັນພະລັງແຮງແລະປະສົບຜົນສຳເລັດໃໝ່ຢ່າງບໍ່ຢຸດຢັ້ງໃນພາລະກິດສ້າງສາປະເທດແລະພັດທະນາສັງຄົມນິຍົມກູບາ.
 |
