ຕາມຂ່າວສານຊິນຮວາ: ວັນທີ 29 ພະຈິກນີ້, ທ່ານ ຮູອັນ ມານູແອນ ຊັງທົສ ຄານເດຣົງ ປະທານາທິບໍດີໂກລົມບີຢືນຢັນວ່າ, ພາຍຫຼັງຍົນໂດຍສານລຳໜຶ່ງໄດ້ເກີດອຸບັດເຫດຕົກຢູ່ໃກ້ສະໜາມບິນສາກົນເມືອງເມເດີລິນ ເທດສະບານແຂວງອັນຕີໂອກີປະເທດຕົນໃນຕອນຄ່ຳວັນທີ 28 ພະຈິກນີ້, ເຈົ້າໜ້າທີ່ກູ້ໄພ ໄດ້ພົບຜູ້ລອດຊີວິດ 6 ຄົນ. ທາງການໂກລົມບີແຈ້ງຕົວເລກຫຼ້າສຸດວ່າ, ຢູ່ຍົນມີຜູ້ໂດຍສານ 77 ຄົນ, ຂະນະທີ່ຜູ້ເສຍຊີວິດມີໜ້ອຍກວ່າຂ່າວທີ່ໄດ້ລາຍງານກ່ອນໜ້ານີ້ 4 ຄົນ ເຊິ່ງກ່ອນໜ້ານີ້ ແລະກໍມີຂ່າວແຈ້ງວ່າ, ຢູ່ຍົນລຳນີ້ມີຜູ້ໂດຍສານ 81 ຄົນເຊິ່ງລວມທັງນັກກິລາເຕະບານຈາກສະໂມສອນດັງຂອງເບຣຊິນ.
ເຈົ້າໜ້າທີ່ສະໜາມບິນເມເດີລິນແຈ້ງຂ່າວວ່າ, ຍົນໂດຍສານທີ່ເກີດເຫດ ໄດ້ບິນອອກຈາກໂບລີວີ ແລະເຄີຍໄດ້ຮັບລາຍງານສະາບຂັດຂ້ອງຂອງລະບົບໄຟຟ້າຕໍ່ສະໜາມບິນ. ແນວໃດກໍດີ, ກົມການບິນພົນລະເຮືອນໂກລົມບີພວມສືບຕໍ່ຊ່ວຍຊີວິດຜູ້ປະສົບໄພ ແລະຄາດຄະເນເບື້ອງຕົ້ນວ່າ ອາດເປັນຍ້ອນນ້ຳມັນເຊື້ອໄຟບໍ່ພໍ.
 |
