ລັດຖະບານຟິລິບປິນຂອບໃຈຕຳຫຼວດທະເລຈີນທີ່ຊ່ວຍຊີວິດຊາວຫາປາຟິລິບປິນ 2 ຄົນ

ວັນທີ 2 ທັນວານີ້, ລັດຖະບານຟິລິບປິນໄດ້ສະແດງຄວາມຂອບໃຈຕໍ່ຕຳຫຼວດທະເລຈີນທີ່ຊ່ວຍຊີວິດຊາວຫາປາຟິລິບປິນ 2 ຄົນຢູ່ເຂດທະເລໃກ້ເກາະຮວງອຽນທະເລຈີນໃຕ້.

ທ່ານມາຕິນ ອັນດານາ ຫົວໜ້າຫ້ອງການຖະແຫຼງຂ່າວ ທຳນຽບປະທານາທິບໍດີຟິລິບປິນກ່າວໃນວັນດັ່ງກ່າວວ່າ, ພາຍໃຕ້ການຊ່ວຍເຫຼືອຂອງກຳປັ່ນຕຳຫຼວດທະເລຈີນ, ກອງຕຳຫຼວດຊາຍຝັ່ງທະເລຟິລິບປິນສາມາດຊ່ວຍເຫຼືອູຊາວປາຫາຟິລິບປິນ 2 ຄົນທີ່ຫາຍສາບສູນນັ້ນໄດ້ຢ່າງສຳເລັດຜົນ.

ທ່ານອັນດານາກ່າວຕື່ມວ່າ, "ພວກຂ້າພະເຈົ້າຂອບໃຈຕຳຫຼວດທະເລຈີນທີ່ໄດ້ໃຫ້ການຊ່ວຍເຫຼືອ, ທັງນີ້ໄດ້ສະແດງໃຫ້ເຫັນວ່າການພົວພັນຟິລິບປິນ-ຈີນໄດ້ກັບຄືນສູ່ເສັ້ນທາງໄມຕີຈິດມິດຕະພາບອີກພາຍຫຼັງທ່ານປະທານາທິບໍດີໂຣດຣີໂກ ດູເຕີເຕຢ້ຽມຢາມຈີນຢ່າງສຳເລັດຜົນໃນໄລຍະມໍ່ໆນີ້. ແນວໃດກໍ່ດີ,ພວກຂ້າພເຈົ້າຫວັງວ່າການພົວພັນລະຫວ່າງສອງປະເທດຈະໄດ້ຮັບຄວາມຄືບໜ້າຕື່ມອີກໃນອະນາຄົດ."