ບໍລິສັດຈີນຈັດຊຸດອົມຮົມສົ່ງເສີມການຫັນເປັນມາດຕະຖານຢາງພາລາທຳມະຊາດຈີນ-ລາວ
ຕາມຂ່າວ CRI: ບໍລິສັດລົງທຶນຢູນຊ້ຽງທີ່ຂຶ້ນກັບກຸ່ມບໍລິສັດບຸກເບີກກະສິກຳແຂວງຢຸນນານ ສປ ຈີນແລະສະຖາບັນວິທະຍາສາດກະສິກຳເຂດຮ້ອນຈີນໄດ້ຮ່ວມກັນຈັດຊຸດອົມຮົມສົ່ງເສີມການຫັນເປັນມາດຕະຖານຢາງພາລາທຳມະຊາດຈີນ-ລາວຢູ່ບ້ານສົບຕຸດເມືອງນ້ຳທາແຂວງຫຼວງນ້ຳທາ ສປປ ລາວໃນວັນທີ 7 ທັນວານີ້.
ທ່ານ ກາວເຈ ຮອງຜູ້ອຳນວຍການບໍລິສັດລົງທຶນຢູນຊ້ຽງ ກ່າວໃນພິທີດ່ັງກ່າວວ່າ: ປັດຈຸບັນ, ຢາງພາລາທຳມະຊາດຍັງບໍ່ທັນໄດ້ມາດຕະຖານເທື່ອ, ຈາກນີ້ຈຶ່ງຫວັງວ່າ 2 ໜ່ວຍງານຈະລົງເລິກການຮ່ວມມືແລະເສີມຂະຫຍາຍທ່າແຮງ ທັງປະສານສົມທົບກັນວາງມາດຕະຖານການຜະລິດຢາງພາລາທຳມະຊາດໃຫ້ແທດເໝາະກັບສະພາບຕົວຈິງຂອງລາວ.
ທ່ານ ໂລຊືສ້ຽວ ສາສະດາຈານສະຖາບັນວິທະຍາສາດກະສິກຳເຂດຮ້ອນຈີນກ່າວວ່າ: ສະຖາບັນຕົນຈະສະໜອງການຄ້ຳປະກັນທາງເຕັກນິກໃຫ້ແກ່ບໍລິສັດລົງທຶນຢູນຊ້ຽງໃນການສ້າງສູນຜະລິດຢູ່ລາວ ທັງຈະແລກປ່ຽນຄວາມເຫັນກ່ຽວກັບການປະຕິຮູບເຕັກນິກປາດຢາງພາລາໃໝ່ກັບກຳມະກອນອີກດ້ວຍ.
ຂ່າວແຈ້ງວ່າ, ນັບແຕ່ບໍລິສັດລົງທຶນຢູນຊ້ຽງເຂົ້າມາລົງທຶນຢູ່ລາວເປັນຕົ້ນມາ, ໄດ້ຍົກລະດັບໃຫ້ແກ່ກຳມະກອນປາດຢາງພາລາລາວຢ່າງຫ້າວຫັນ, ເວົ້າລວມເວົ້າສະເພາະແຕ່ປີ 2016, ກຳມະກອນລາວເຖິງ 608 ຄົນໄດ້ຮັບການຍົກລະດັບຈາກບໍລິສັດດັ່ງກ່າວ.
