ຕາມຂ່າວ CRI: ພິທີເປີດໂຄງການສາທິດການຮ່ວມມືແກ້ໄຂຄວາມທຸກຍາກຢູ່ອາຊີຕາເວັນອອກໄດ້ຈັດຂຶ້ນຢູ່ນະຄອນຫຼວງວຽງຈັນ ສປປ ລາວໃນວັນທີ 7 ທັນວານີ້ ໂດຍທ່ານ ທອງວັນ ວິໄລເຮືອງ ຮັກສາການປະທານຄະນະກຳມະການພັດທະນາຊົນນະບົດແລະແກ້ໄຂຄວາມທຸກຍາກລາວ, ທ່ານ ກວນຮວາປິງ ເອກອັກຄະລັດຖະທູດຈີນປະຈຳລາວພ້ອມດ້ວຍເຈົ້າໜ້າທີ່ທີ່ກ່ຽວຂ້ອງຈາກຈີນ, ລາວ, ມຽນມາແລະກຳປູເຈຍເຂົ້າຮ່ວມ.
ທ່ານ ທອງວັນ ວິໄລເຮືອງ ກ່າວວ່າ: ບັນຫາຄວາມທຸກຍາກແມ່ນໜຶ່ງໃນສິ່ງທ້າທາຍຂອງຂະບວນການພັດທະນາເສດຖະກິດ-ສັງຄົມ. ຂະນະທີ່ການພັດທະນາເສດຖະກິດ-ສັງຄົມຂອງປະເທດຕົນ, ກຳປູເຈຍແລະມຽນມາຖ້າທຽບໃສ່ປະເທດອື່ນໃນອາຊຽນແລ້ວຍັງມີຄວາມແຕກໂຕນກັນອ່າວຫຼາຍ. ຈາກນີ້, ໂຄງການສາທິດການຮ່ວມມືແກ້ໄຂຄວາມທຸກຍາກຢູ່ອາຊີຕາເວັນອອກຈຶ່ງມີຄວາມໝາຍສຳຄັນໃນການຍົກລະດັບຊີວິດການເປັນຢູ່ຂອງປະຊາຊົນແລະຫຼຸດຜ່ອນຄວາມແຕກໂຕນກັນໃນອາຊຽນໃຫ້ໜ້ອຍລົງ.
1 2 
