ຕາມຂ່າວສານຈີນ: ພິທີເປີດປ້າຍສູນການຮ່ວມມືກົດໝາຍຈີນ-ອາຊຽນປະຈຳກຳປູເຈຍ ແລະ ໂຄງການຮ່ວມມືຕັດສິນຈີນ-ກຳປູເຈຍ ໄດ້ຈັດຂຶ້ນຢູ່ນະຄອນຫຼວງພະນົມເປັນລາຊະອານາຈັກກຳປູເຈຍໃນວັນທີ 8 ທັນວານີ້.
ທ່ານ ຊົງໂປ່ ເອກອັກຄະລັດຖະທູດຈີນປະຈຳກຳປູເຈຍ ກ່າວໃນພິທີດັ່ງກ່າວວ່າ, ການສ້າງຕັ້ງສູນການຮ່ວມມືກົດໝາຍຈີນ-ອາຊຽນປະຈຳກຳປູເຈຍ ແລະ ດຳເນີນໂຄງການຮ່ວມມືຕັດສິນຈີນ-ກຳປູເຈຍ ກາຍເປັນສິ່ງນຳໜ້າໃນການຮ່ວມມື ການຕັດສິນສາກົນລະຫວ່າງຈີນກັບຕ່າງປະເທດ, ຂະນະດຽວກັນ ກໍຈະເຮັດໃຫ້ກຳປູເຈຍກາຍເປັນແຖວໜ້າຂອງການຮ່ວມມືການບໍລິການກົດໝາຍ "ໜຶ່ງແລວທາງໜຶ່ງເສັ້ນທາງ" ເຊິ່ງຈະຮັບປະກັນໃຫ້ແກ່ການບໍລິການກົດໝາຍຢ່າງແຂງແຮງໃນການຮ່ວມມື "ໜຶ່ງແລວທາງໜຶ່ງເສັ້ນທາງ" ລະຫວ່າງສອງປະເທດ.
ທ່ານ ສື່ເວີນ ປະທານບໍລິຫານສູນການຮ່ວມມືກົດໝາຍຈີນ-ອາຊຽນກ່າວວ່າ, ການເປີດສູນການຮ່ວມມືກົດໝາຍຈີນ-ອາຊຽນປະຈຳກຳປູເຈຍ ແລະ ໂຄງການຮ່ວມມືຕັດສິນຈີນ-ກຳປູເຈຍ ຈະກາຍເປັນແບບຢ່າງທີ່ມີອິດທິພົນຢ່າງກວ້າງຂວາງໃນອາຊຽນ.