ລາວເພີ່ມທະວີການພັດທະນາເສດຖະກິດ
2016-12-13 15:34:56 cri
ຂ່າວສານປະເທດລາວລາຍງານໃນວັນທີ 12 ທັນວານີ້ວ່າ: ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ-ການຄ້າລາວໄດ້ເປັນປະທານກອງປະຊຸມສະພາການຄ້າແລະອຸດສາຫະກຳແຫ່ງຊາດລາວທີ່ຈັດຂຶ້ນຢູ່ນະຄອນຫຼວງວຽງຈັນໃນວັນທີ 9 ທັນວານີ້ ໂດຍທ່ານ ທອງລຸນ ສີສຸລິດ ນາຍົກລັດຖະມົນຕີ, ບັນດາຮອງນາຍົກລັດຖະມົນຕີພ້ອມດ້ວຍເຈົ້າໜ້າທີ່ທີ່ກ່ຽວຂ້ອງປະມານ 400 ທ່ານເຂົ້າຮ່ວມ. ທ່ານ ທອງລຸນ ສີສຸລິດ ກ່າວໃນກອງປະຊຸມດັ່ງກ່າວວ່າ: ເພື່ອສົ່ງເສີມການພັດທະນາເສດຖະກິດໃຫ້ມີປະສິດທິຜົນ ທັງເປັນການສ້າງເງື່ອນໄຂອຳນວຍຄວາມສະດວກໃຫ້ແກ່ການດຳເນີນທຸລະກິດ-ການຄ້າ, ລັດຖະບານລາວຈະຮັບຮອງເອົາແຜນພັດທະນາເສດຖະກິດ-ສັງຄົມສົກປີ 2017-2019 ເຊິ່ງ ສຄອ ຕ້ອງເປັນເຈົ້າເຕົ້າໂຮມທຸລະກິດເຂົ້າຮ່ວມຈັດຕັ້ງປະຕິບັດໂດຍເລັ່ງດຶງດູດເອົາການລົງທຶນທັງພາຍໃນແລະຕ່າງປະເທດເພື່ອກໍ່ສ້າງໂຄງການລົງທຶນຂອງລັດຖະບານ.
