ວັນທີ 15 ທັນວານີ້,ທາງລົດໄຟຕອນເມືອງຄຸນຢາງຫາເມືອງອີ້ຊີ່ເຊິ່ງເປັນສ່ວນຮ່ວມຂອງທາງລົດໄຟລະຫວ່າງຊາດຈີນ-ຫວຽດນາມແລະຈີນ-ລາວໄດ້ເປີດບໍລິການຢ່າງເປັນທາງການ.
ສະຖານີອີ້ຊີໃໝ່ແຂວງຢຸນນານແມ່ນສະຖານີໃຈກາງຂອງທາງລົດໄຟອີ້ຊີຫາເຫີໂຂ່ວລະຫວ່າງຈີນ-ຫວຽດນາມແລະທາງລົດໄຟອີ້ຊີຫາບໍ່ຫານລະຫວ່າງຈີນ-ລາວແລະທາງລົດໄຟຄຸນຢາງຫາອີ້ຊີທີ່ສ້າງໃໝ່ທີ່ມີຄວາມໄວ 200 ກິໂລແມັດຕໍ່ໍຊົ່ວໂມງເຊິ່ງໃນຕໍ່ໜ້າລົດໄຟຈາກສາມທິດດັ່ງກ່າວຈະສົມຄົບກັນຢູ່ແຫ່ງນີ້.
ທາງລົດໄຟຕອນຄຸນຢາງຫາອີ້ຊີ່ປະກອບດ້ວຍສອງສ່ວນ,ຄືທາງລົດໄຟວົງວຽນຕາເວັນອອກສຽງໃຕ້ແລະທາງລົດໄຟຄຸນຢາງຫາອີ້ຊີໂດຍມີຄວາມຍາວ 88 ກິໂລແມັດແລະເປັນທາງລົດໄຟໄຟຟ້າສອງສາຍ,ຄວາມໄວຂອງລົດໄຟແມ່ນ 200 ກິໂລແມັດຕໍ່ຊົ່ວໂມງ.ຫຼັງເປີດບໍລິການເປັນທາງການແລ້ວຈະຊຸກຍູ້ການແລກປ່ຽນລະຫວ່າງຈີນ-ຫວຽດນາມແລະຈີນ-ລາວຢ່າງໃຫຍ່ແລະມີບົດບາດຊຸກຍູ້ອັນສຳຄັນຕໍ່ການບັນລຸການເຊື່ອມໂຍງເຊື່ອມຈອດກັນດ້ານພື້ນຖານໂຄງລ່າງລະຫວ່າງປະເທດລຽບ "ໜຶ່ງແລວທາງໜຶ່ງເສັ້ນທາງ".