ຄະນະກຳມະການຮ່ວມມືວິສາຫະກິດຂະໜາດກາງແລະນ້ອຍຈີນ-ອາຊຽນໄດ້ສ້າງຕັ້ງຂຶ້ນຢູ່ແຂວງຊານຕຸ່ງ ສປ ຈີນໃນວັນທີ 22 ທັນວານີ້, ໂດຍຄະນະກຳມະການດັ່ງກ່າວຈະສຸມທຸກກຳລັງເພື່ອສ້າງເວທີຮ່ວມມືສອງຝ່າຍເພື່ອບັນລຸການເຊື່ອມຕໍ່ກັນແລະພັດທະນາຢ່າງໝັ້ນທ່ຽງ. ແລະໃນໂອກາດດັ່ງກ່າວມີຜູ້ຕາງໜ້າຈາກ 10 ປະເທດໃນອາຊຽນ 60 ທ່ານແລະຜູ້ຕາງໜ້າຈີນລວມທັງໝົດ 200 ກວ່າທ່ານເຂົ້າຮ່ວມພິທີດັ່ງກ່າວ.
ຄະນະກຳມະການຮ່ວມມືວິສາຫະກິດຈີນ-ອາຊຽນແມ່ນອົງການຮ່ວມມືການຄ້າທີ່ບໍ່ເປັນທາງການແລະບໍ່ຫວັງຜົນກຳໄລໂດຍປະກອບມີກຳມະການ 40 ຄົນຈາກຈີນ, ໄທ, ຫວຽດນາມ, ຟີລິບປິນແລະອື່ນໆ. ທັງນີ້ສະມາຊິກຄະນະກຳມະການຊຸດທຳອິດທີ່ປະກອບມີວິສາຫະກິດຈີນ 10 ແຫ່ງແລະວິສາຫະກິດອາຊຽນຂະໜາດກາງແລະນ້ອຍ 30 ແຫ່ງ. ຈີນແລະອາຊຽນຕ່າງໄດ້ແຕ່ງຕັ້ງປະທານຄະນະກຳມະການໜຶ່ງຄົນແລະປະທານບໍລິຫານງານໜຶ່ງຄົນ, ສຳລັບອາຊຽນທີ່ບໍ່ໄດ້ດຳລົງຕຳແໜ່ງປະທານຄະນະກຳມະການກໍສາມາດແຕ່ງຕັ້ງຜູ້ຕາງໜ້າຄົນໜຶ່ງດຳລົງຕຳແໜ່ງປະທານບໍລິຫານງານ, ແລະຕຳແໜ່ງຂອງຄະນະກຳມະການຈະປ່ຽນແປງໃນທຸກ 2 ປີ.
 |
