ທ່ານສີຈິ້ນຜິງສົ່ງສານສະແດງຄວາມເຫັນໃຈເຖິງທ່ານປູຕິນຫຼັງເກີດເຫດການຍົນທະຫານຣັດເຊຍຕົກ
2016-12-26 14:37:40 cri
ວັນທີ 26 ທັນວານີ້ ທ່ານສີຈິ້ນຜິງ ປະທານປະເທດ ສປ ຈີນໄດ້ສົ່ງສານສະແດງຄວາມເຫັນໃຈເຖິງ ທ່ານປູຕິນ ປະທານາທິບໍດີຣັດເຊຍກ່ຽວກັບເຫດການຍົນທະຫານຣັດເຊຍຕົກ.
ໃນເນື້ອໃນສານ, ທ່ານສີຈິ້ນຜິງກ່າວວ່າ, ເມື່ອຊາບອຸບັດເຫດຍົນທະຫານຕົກຢູ່ເຂດທະເລໃກ້ເມືອງໂຊຊີໃນວັນທີ 25 ທັນວານີ້ ເປັນເຫດເຮັດໃຫ້ຜູ້ໂດຍສານ ແລະຈຸການບິນປະສົບເຄາະຮ້າຍ, ຂ້າພະເຈົ້າຂໍຕາງໜ້າລັດຖະບານ ແລະປະຊາຊົນຈີນສະແດງຄວາມເຫັນອົກເຫັນໃຈທີ່ສຸດຕໍ່ເຫດການດັ່ງກ່າວ ແລະຂໍສະແດງຄວາມໄວ້ອາໄລເຖິງດວງວິນຍານຕໍ່ຜູ້ທີ່ປະສົບເຄາະຮ້າຍລວມທັງສະແດງຄວາມເຫັນໃຈຕໍ່ຄອບຄົວຂອງຜູ້ປະສົບເຄາະຮ້າຍດ້ວຍຄວາມຈິງໃຈ.
