ໃນເວລາ 6 ໂມງຂອງວັນທີ 25 ທັນວານີ້ຕາມເວລາທ້ອງຖິ່ນ, ທີມງານປີນພູຂອງມະຫາວິທະຍາໄລທໍລະນີສາດຈີນໄດ້ສົ່ງຂໍ້ຄວາມຜ່ານທາງໂທລະສັບດາວທຽມທາງທະເລວ່າ, ທີມງານຂອງຕົນໄດ້ຜ່ານຜ່າຄວາມຫຍຸ້ງຍາກນາໆປະການໂດຍສະເພາະດິນຟ້າອາກາດທີ່ຮຸນແຮງແລະຄວາມໜາວເຢັນໂດຍໄດ້ຍ່າງໄປເຖິງຈຸດຂົ້ວໂລກໃຕ້ຂອງທະວີບຂົ້ວໂລກໃຕ້ທີ່ມີຫະຕິຕົກ ແລະໃນວັນທີ 14 ທັນວານີ້, ກໍໄດ້ປີນຂຶ້ນຍອດພູວິນຊອນ(Vinson Massif) ເຊິ່ງເປັນຍອດພູທີ່ສູງສຸດຢູ່ຂົ້ວໂລກໃຕ້ຢ່າງສຳເລັດຜົນ.
ນີ້ເປັນຂີດໝາຍສະແດງໃຫ້ເຫັນວ່າທີມງານປີນພູຂອງມະຫາວິທະຍາໄລທໍລະນີສາດຈີນໄດ້ປະສົບຜົນສຳເລັດໃນການປີນຂຶ້ນພູທີ່ສູງສຸດໃນ 7 ທະວີບຂອງໂລກ ແລະ ຍ່າງໄປເຖິງຈຸດຂົ້ວໂລກເໜືອ,ຈຸດຂົ້ວໂລກໃຕ້ຢ່າງສຳເລັດຜົນ.
ທີມງານດັ່ງກ່າວໄດ້ສຳຫຼວດແລະກວດກາສະພາບການເຄື່ອນໄຫວແລະລັກສະນະທໍລະນີສາດໜ້າດິນຂອງໂລກຢູ່ໃກ້ຈຸດຂົ້ວໂລກໃຕ້ ເຊິ່ງມີຄວາມໝາຍສຳຄັນຕໍ່ການຄົ້ນຄວ້າການເຄື່ອນໄຫວຂອງເປືອກໂລກໃນປັດຈຸບັນກໍຄືການປົກຄຸມນ້ຳກ້ອນໃນຂອບເຂດທາງບົກແລະວິທະຍາພະລັງດັນຂອງຂົ້ວໂລກໃຕ້.
 |
