ກອງປະຊຸມຄັ້ງທີ 25 ຂອງຄະນະປະຈຳສະພາຜູ້ແທນປະຊາຊົນແຫ່ງຊາດຈີນຊຸດທີ 12 ໄດ້ອັດລົງຢູ່ນະຄອນຫຼວງປັກກິ່ງໃນວັນທີ 25 ທັນວານີ້ ໂດຍໄດ້ລົງປະຊາມະຕິຮັບຮອງ "ກົດໝາຍວ່າດ້ວຍການແພດພື້ນເມືອງຈີນ" ເຊິ່ງເປັນກົດໝາຍສັງລວມທີ່ສະແດງໃຫ້ເຫັນເຖິງຈຸດພິເສດຢາພື້ນເມືອງຈີນຢ່າງຮອບດ້ານແລະເປັນລະບົບສະບັບທຳອິດ ເພື່ອປົກປັກຮັກສາ,ສະໜັບສະໜູນແລະພັດທະນາຢາພື້ນເມືອງຈີນ ແລະ ເປັນຂີດໝາຍທາງປະຫວັດສາດໃນການພັດທະນາຂະແໜງການການແພດພື້ນເມືອງຈີນ.
ກົດໝາຍວ່າດ້ວຍການແພດພື້ນເມືອງຈີນສະບັບດັ່ງກ່າວໄດ້ອຳນວຍຊ່ອງທາງແກ້ໄຂບັນຫາຈຸດສຸມແລະຂໍ້ຫຍຸ້ງຍາກຕ່າງໆທີ່ມີຄວາມຈຳກັດຕໍ່ການພັດທະນາການແພດພື້ນເມືອງຈີນໃນປັດຈຸບັນຈາກຫຼາຍດ້ານເຊັ່ນ: ການປົກປັກຮັກສາແລະພັດທະນາການແພດພື້ນເມືອງຈີນ, ການບຳລຸງສ້າງບຸກຄະລາກອນ, ການຄົ້ນຄວ້າວິທະຍາສາດ, ການສືບທອດແລະເຜີຍແຜ່ວັດທະນະທຳການແພດພື້ນເມືອງຈີນເປັນຕົ້ນ. ໃນເວລາດຽວກັນ, ກົດໝາຍດັ່ງກ່າວຍັງໄດ້ເພີ່ມທະວີການຕິດຕາມແລະຄຸ້ມຄອງຕໍ່ການແພດພື້ນເມືອງຈີນອີກດ້ວຍ.