ອົງການປ່າໄມ້ແຫ່ງຊາດຈີນແຈ້ງວ່າ, ກ່ອນໜ້ານີ້ບໍ່ດົນ, ລັດຖະບານໄດ້ອະນຸມັດແຜນການປ້ອງກັນອັກຄີໄພປ່າໄມ້ແຫ່ງຊາດ ໂດຍຈະໃຊ້ງົບປະມານ 45 ຕື້ກວ່າຢວນໃນ 10 ປີຕໍ່ໜ້າສຳລັບແຜນການນີ້.
ຜູ້ຮັບຜິດຊອບອົງການປ່າໄມ້ແຫ່ງຊາດໃຫ້ຮູ້ວ່າ, ຕາມແຜນການດັ່ງກ່າວ, ຈະສຸມໃສ່ 6 ໜ້າທີ່ສຳຄັນຄື: ລະບົບຕິດຕາມເຕືອນອັກຄີໄພປ່າໄມ້, ລະບົບໂທລະຄົມແລະບັນຊາ, ຄວາມສາມາດຂອງເຈົ້າໜ້າທີ່ດັບເພີງປ່າໄມ້, ການດັບເພີງປ່າໄມ້ທາງອາກາດ, ລະບົບກັນໄຟໄໝ້ປ່າ ແລະເສັ້ນທາງສຸກເສີນປ້ອງກັນໄຟໄໝ້ປ່າ.
ຕາມສະຖິຕິ ສະເລ່ຍປີໜຶ່ງ, ເນື້ອທີ່ປ່າໄມ້ທີ່ຖືກໄໝ້, ຈຳນວນຄົນທີ່ເສຍຊີວິດແລະບາດເຈັບໃນທົ່ວປະເທດໃນໄລຍະປະຕິບັດແຜນການພັດທະນາເສດຖະກິດສັງຄົມ 5 ປີຄັ້ງທີ 12 ໄດ້ຫຼຸດລົງ 59%, 85% ແລະ 48% ຕາມລຳດັບເມື່ອທຽບໃສ່ໄລຍະປະຕິບັດແຜນການ 5 ປີຄັ້ງທີ 11 ເຊິ່ງອັດຕາຖືກໄຟໄໝ້ປ່າສາມາດຄວບຄຸມໃຫ້ຕ່ຳກວ່າ 1 ສ່ວນພັນ.