ຈີນນຳໜ້າໂລກດ້ານການຄ້າອອນໄລຂອງວິສາຫະກິດຂະໜາດກາງແລະນ້ອຍ
2016-12-27 11:55:08 cri
ຕາມຂ່າວ CRI: ຫວ່າງມໍ່ໆມານີ້ ບໍລິສັດ ເຟເດສ ໄດ້ເຜີຍແຜ່ບົດລາຍງານເລື່ອງ: ການຄ້າທົ່ວໂລກໃນເສດຖະກິດດີຈີຕອນ: ໂອກາດຂອງວິສາຫະກິດຂະໜາດກາງແລະນ້ອຍ ໂດຍຊີ້ໃຫ້ເຫັນວ່າ ການຄ້າອອນໄລໄດ້ກາຍເປັນຊ່ອງທາງສຳຄັນໃນການເຮັດໃຫ້ວິສາຫະກິດຂະໜາດກາງແລະຂະໜາດນ້ອຍທົ່ວໂລກເຕີບໂຕ. ແຕ່ທີ່ພົ້ນເດັ່ນຄື ວິສາຫະກິດຂະໜາດກາງແລະນ້ອຍຂອງຈີນໄດ້ຢູ່ນຳໜ້າລະດັບສະເລ່ຍຂອງທົ່ວພາກພື້ນອາຊີປາຊິກຟິກແລະທົ່ວໂລກໃນການນຳໃຊ້ການຄ້າອອນໄລ ແລະຊ່ອງທາງດີຈີຕອນ.
ບົດລາຍງານດ່ັງກ່າວສະແດງໃຫ້ເຫັນວ່າ, ຢູ່ແຜ່ນດິນໃຫຍ່ຈີນ, ວິສາຫະກິດຂະໜາດກາງແລະນ້ອຍທີ່ຮັບການສຳພາດ 97% ໄດ້ຂາຍຜະລິດຕະພັນຂອງຕົນໄປສູ່ຕະຫຼາດອື່ນດ້ວຍການຄ້າອອນໄລ ເຊິ່ງສູງກວ່າອັດຕາສ່ວນຂອງພາກພື້ນອາຊີປາຊິຟິກແລະທົ່ວໂລກເຖຄງ 80% ໂດຍ 59% ຂອງຍອດມູນຄ່າລາຍໄດ້ຂອງວິສາຫະກິດເຫຼົ່ານີ້ມາຈາກການຄ້າສົ່ງອອກ. ໃນນັ້ນ 3 ຕະຫຼາດໃຫຍ່ຂອງວິສາຫະກິດຈີນທີ່ໃຫ້ສຳພາດນັ້ນແມ່ນ ອິນເດຍ, ປາກິສະຖານ ແລະຍີ່ປຸ່ນຄືຕະຫຼາດນຳເຂົ້າສິນຄ້າ, ສ່ວນປະເທດທີ່ພວມພັດທະນາແມ່ນທາງເລືອກທີ່ພິຈາລະນາກ່ອນໝູ່ຂອງບັນດາວິສາຫະກິດຂະໜາດກາງແລະນ້ອຍ.
