ໃນດ້ານການດຶງດູດທຶນປະເທດ ຈີນເປັນອັນດັບໜຶ່ງໃນບັນດາປະເທດທີ່ພວມພັດທະນາ
2016-12-27 12:01:31 cri
ຕາມຂ່າວ CRI: ຕົວເລກຫຼ້າສຸດທີ່ກະຊວງການຄ້າຈີນປະກາດໃນຫວ່າງມໍ່ໆນີ້ສະແດງໃຫ້ເຫັນວ່າ, ຄາດວ່າໃນຕະຫຼອດປີ 2016 ໂດຍບໍ່ລວມຂົງເຂດທະນາຄານ, ຫຼັກຊັບ ແລະການປະກັນໄພແລ້ວ, ຈີນໄດ້ດຶງດູດທຶນຕ່າງປະເທດຈຳນວນ 785 ຕື້ຢວນ, ເປັນອັນດັບໜຶ່ງໃນບັນດາປະເທດທີ່ພວມພັດທະນາໃນ 25 ປີມານີ້. ໃນຂະນະທີ່ຂະໜາດຂອງທຶນຕ່າງປະເທດເພີ່ມຂຶ້ນຢ່າງໝັ້ນທ່ຽງ, ໂຄງປະກອບດຶງດູດທຶນຕ່າງປະເທດຂອງຈີນກໍ່ໄດ້ຮັບການປັບປຸງດີຂຶ້ນເລຶ້ອຍໆ ໄດ້ຈາກຂະແໜງການຜະລິດດັ່ງເດີມຫັນໄປສູ່ຂະແໜງການຜະລິດທີ່ມີລະດັບສູງ ແລະຂະແໜງການບໍລິການທັນສະໄໝ.
ຜົນການສຳຫຼວດຫຼ້າສຸດຂອງສະພາສົ່ງເສີມການຄ້າຂອງອົງການສະຫະປະຊາຊາດໃຫ້ເຫັນວ່າ, ປີນີ້ ແລະປີໜ້າ ຈີນຍັງຈະສືບຕໍ່ຢູ່ໃນອັນດັບໜຶ່ງໃນການຈັດອັນດັບປະເທດທີ່ເປັນຈຸດໝາຍປາຍທາງການລົງທຶນທີ່ມີອະນາຄົດດີທີ່ສຸດໃນທົ່ວໂລກ.