ວັນທີ 27 ທັນວານີ້ ຢູ່ນະຄອນຫຼວງປັກກິ່ງ, ທ່ານເມີ້ງຈ້ຽນຈູ້ ກຳມະການກົມການເມືອງສູນກາງພັກ, ເລຂາທິການໃຫຍ່ຄະນະກຳມະການການເມືອງແລະກົດໝາຍສູນກາງ ໄດ້ພົບປະກັບຫົວໜ້າຄະນະຜູ້ແທນປະເທດຕ່າງໆ ໃນໂອກາດເດີນທາງມາເຂົ້າຮ່ວມກອງປະຊຸມລະດັບລັດຖະມົນຕີກ່ຽວກັບການສ້າງກົນໄກການຮ່ວມມືການປະຕິບັດກົດໝາຍແລະຄວາມໝັ້ນຄົງຕາມລ່ອງແມ່ນ້ຳຂອງຄົບຮອບ 5 ປີ.
ທ່ານເມີ້ງຈ້ຽນຈູ້ ກ່າວວ່າ: ນັບແຕ່ສ້າງກົນໄກການຮ່ວມມືການປະຕິບັດກົດໝາຍແລະຄວາມໝັ້ນຄົງຕາມລ່ອງແມ່ນ້ຳຂອງເມື່ອເດືອນຕຸລາປີ 2011 ເປັນຕົ້ນມາ, ຈີນ, ລາວ, ມຽນມາ ແລະ ໄທ ໄດ້ຮ່ວມມືກັນມ້າງຄະດີ "5 ຕຸລາ", ປະຕິບັດກົດໝາຍຮ່ວມ, ຮ່ວມກັນປາບປາມອາຊະຍາກຳຂ້າມຊາດ, ປັກປົກຮັກສາຄວາມໝັ້ນຄົງແລະສະຖຽນລະພາບຂອງພາກພື້ນ. ແນວໃດກໍດີ, ຫວັງວ່າປະເທດຕ່າງໆຈະຍົກລະດັບການຮ່ວມມືໃຫ້ສູງຂຶ້ນເລື້ອຍໆ ແລະສ້າງແມ່ນ້ຳຂອງໃຫ້ເປັນສາຍນ້ຳສະຫງົບ, ສາມັກຄີ ແລະ ມິດຕະພາບ.
ຫົວໜ້າຄະນະຜູ້ແທນຂອງແຕ່ລະປະເທດ ຕ່າງກໍກ່າວວ່າ ຍິນດີປະສານງານກັບຈີນຢ່າງໜັກແໜ້ນ ເພື່ອຮ່ວມກັນປົກປັກຮັກສາຄວາມໝັ້ນຄົງແລະສະຖຽນລະພາບຕາມລ່ອງແມ່ນ້ຳຂອງ.
