ຈີນ: ເນື້ອໃນຈິດໃຈຂອງ "ຄວາມຮັບຮູ້ທີ່ເປັນເອກະສັນກັນປີ 1992" ບໍ່ໃຫ້ເອົາເນື້ອໃນອື່ນເຂົ້າແທນ
2016-12-28 16:17:00 cri
ໃນພິທີຖະແຫຼງຂ່າວທີ່ຈັດຂຶ້ນວັນທີ 28 ທັນວານີ້ ທ່ານອ່ານເຟິ່ງຊານ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນກ່າວວ່າ, ເນື້ອໃນຈິດໃຈຂອງ "ຄວາມຮັບຮູ້ທີ່ເປັນເອກະສັນກັນປີ 1992" ເນັ້ນວ່າສອງຝັ່ງຊ່ອງແຄບໄຕ້ຫວັນລ້ວນແຕ່ຢູ່ໃນປະເທດຈີນດຽວ. ບໍ່ວ່າຈະອະທິບາຍແນວໃດ ກໍໃຫ້ຢູ່ໃນຂອບຂອງເນື້ອໃນຈິດໃຈດັ່ງກ່າວ ເຊິ່ງເປັນຈຸດໃຈກາງທີ່ບໍ່ມີເນື້ອໃນໃດເຂົ້າແທນ ໄດ້.
ໃນໂອກາດຕອບຄຳຖາມ, ທ່ານອ່ານເຟິ່ງຊານຍັງກ່າວວ່າ, "ຄວາມຮັບຮູ້ທີ່ເປັນເອກະສັນກັນປີ 1992" ແມ່ນພື້ນຖານເຮັດໃຫ້ການພົວພັນລະຫວ່າງສອງຝັ່ງຂະຫຍາຍຕົວໂດຍສັນຕິ, ຖ້າເຈົ້າໜ້າທີ່ໄຕ້ຫວັນມີຄວາມຈິງໃຈໃນການປັບປຸງການພົວພັນລະຫວ່າງສອງຝັ່ງແທ້, ກໍຄວນກັບຄືນສູ່ພື້ນຖານການເມືອງຮ່ວມທີ່ຍຶດໝັ້ນ "ຄວາມຮັບຮູ້ທີ່ເປັນເອກະສັນກັນປີ 1992" ຢ່າງຈະແຈ້ງໂດຍບໍ່ປິດອຳໃດໆ. ມີແຕ່ເຮັດແນວນີ້ ສອງຝັ່ງຈິ່ງສາມາດຕິດຕໍ່ພົວພັນກັນໄດ້, ການພົວພັນລະຫວ່າງສອງຝັ່ງຈິ່ງຈະສາມາດປັບປຸງແລະຂະຫຍາຍໄປໜ້າໄດ້.