ທ່ານນູເອີ ບາຍເຄລີ ຫົວໜ້າກົມພະລັງງານແຫ່ງຊາດຈີນ ຢືນຢັນໃນວັນທີ 27 ທັນວານີ້ວ່າ: ຈີນຈະເລັ່ງປັບປຸງ, ຫັນປ່ຽນ ແລະ ຍົກລະດັບໂຄງປະກອບໄຟຟ້າຖ່ານຫີນ ຫວັງຄວບຄຸມກຳລັງຕິດຕັ້ງບໍ່ໃຫ້ເກີນ 1 ຕື້ 100 ລ້ານກິໂລວັດເມື່ອຮອດປີ 2020.
ທ່ານບາຍເຄລີ ກ່າວຕື່ມວ່າ: ໃນບາດກ້າວຕໍ່ໄປ, ຈີນຈະຖືເອົາການຍົກອັດຕາພະລັງງານສະອາດໃຫ້ສູງຂຶ້ນ ແລະ ພັດທະນາອຸດສາຫະກຳຮູບແບບໃໝ່ ເປັນຈຸດສຳຄັນ ພ້ອມທັງຊຸກຍູ້ການພັດທະນາພະລັງງານໃຫ້ກ້າວໄປສູ່ຄວາມດຸນດ່ຽງລະຫວ່າງການສະໜອງກັບຄວາມຕ້ອງການ ກໍຄືຈະສຸມໃສ່ພັດທະນາພະລັງງານໄຟຟ້າທົດແທນໃນການທຳຄວາມອຸ່ນຢູ່ເຂດຊຸມຊົນ, ການຄົມມະນາຄົມ-ຂົນສົ່ງ ແລະອື່ນໆ ແລະຊຸກຍູ້ການປັບປຸງກົນໄກກຳນົດລາຄາໄຟຟ້າຕາມໄລຍະຊົມໃຊ້ໄຟຟ້າຫຼາຍແລະໜ້ອຍ.