ຫ້ອງການຖະແຫຼງຂ່າວຂອງລັດຖະບານຈີນ ໄດ້ເຜີຍແຜ່ປື້ມປົກຂາວ "ການພັດທະນາການຄົມມະນາຄົມ-ຂົນສົ່ງຈີນ" ໃນວັນທີ 29 ທັນວານີ້ ໂດຍລະບຸວ່າ: ໃນໄລຍະປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ 13, ຈະກໍ່ສ້າງລະບົບການຄົມມະນາຄົມ-ຂົນສົ່ງສັງລວມທີ່ເຊື່ອມຈອດພາຍໃນແລະຕ່າງປະເທດ ໂດຍຈະກວມເອົາຕົວເມືອງແລະຊົນນະບົດໃນພາກພື້ນຢ່າງກວ້າງຂວາງ, ສູນກາງການຄົມມະນາຄົມທີ່ສຳຄັນຈະກ້າວໄປສູ່ການຄົບວົງຈອນ ແລະ ການຂົນສົ່ງ-ການບໍລິການຈະເຊື່ອມໂຍງແລະມີປະສິດທິພາບສູງ.
ປື້ມປົກຂາວຍັງລະບຸອີກວ່າ: ເມື່ອຮອດປີ 2020, ທາງລົດໄຟຄວາມໄວສູງຂອງຈີນຈະບັນລຸ 30.000 ກິໂລແມັດ ແລະ ກວມເອົາຕົວເມືອງໃຫຍ່ກວ່າ 80%. ນອກນີ້, ຍັງຈະເລັ່ງກໍ່ສ້າງເຄືອຂ່າຍຄົມມະນາຄົມລົດລາງຂອງຕົວເມືອງທີ່ມີປະຊາກອນ 3 ລ້ານຄົນຂຶ້ນໄປ ແລະ ກໍ່ສ້າງຄົມມະນາຄົມລົດລາງຂອງຕົວເມືອງໃຫ້ເພິ່ມຂຶ້ນໃໝ່ປະມານ 3.000 ກິໂລແມັດ.