ວິທະຍຸສາກົນແຫ່ງປະເທດຈີນ ຫຼື CRI ໄດ້ສະຫຼຸບ 10 ເຫດການເດັ່ນໃນອາຊີຕາເວັນອອກສຽງໃຕ້ປີ 2016 ໃນວັນທີ 30 ທັນວານີ້ ເຊິ່ງເລີ່ມຈາກ 1) ອິນໂດເນເຊຍເກີດເຫດການຫຼອນໂຈມຕີກໍ່ການຮ້າຍ. 2) ລາວ ແລະ ຫວຽດນາມ ໄດ້ຜູ້ນຳພັກ-ລັດຊຸດໃໝ່ຂອງປະເທດຕົນ. 3) ຜົນສຳເລັດຂອງກອງປະຊຸມຜູ້ນຳການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທຳອິດ. 4) ທ່ານໂຣດຣີໂກ ດູເຕີເຕ ໄດ້ຮັບເລືອກຕັ້ງເປັນປະທານາທິບໍດີຟິລິບປິນ. 5) ສະຖານະການທີ່ເຄັ່ງຕຶງຢູ່ທະເລຈີນໃຕ້ຜ່ອນຄາຍລົງ. 6) ມຽນມາຈັດກອງປະຊຸມ "ປັງລອງສັດຕະວັດທີ 21" ຄັ້ງທຳອິດ. 7) ຜູ້ນຳບັນດາປະເທດໃນອາຊຽນເລີ່ມຈັດຕັ້ງປະຕິບັດ "ວິໄສທັດປະຊາຄົມອາຊຽນ 2025". 8) ສົມເດັດພູມີພົນ ອະດຸນຍະເດດ ອົງທີ 9 ເຈົ້າຊີວິດໄທສະຫວັນນະຄົດ. 9) ສັນຍາຄູ່ຮ່ວມຂ້າມປາຊີຟິກ ຫຼື TPP ທີ່ມີ 4 ປະເທດອາຊຽນເຂົ້າຮ່ວມນັ້ນມີອະນາຄົດບໍ່ຈະແຈ້ງ ແລະ 10) ມາເລເຊຍ ແລະ ສິງກະໂປລົງນາມໃນສັນຍາກໍ່ສ້າງທາງລົດໄຟຄວາມໄວສູງລະຫວ່າງສອງປະເທດ.
ຜົນການສະຫຼຸບ 10 ເຫດການເດັ່ນຄັ້ງນີ້ຈະເຜີຍແຜ່ຜ່ານສື່ຂອງບັນດາປະເທດໃນອາຊີຕາເວັນອອກສຽງໃຕ້ໃນເວລາດຽວກັນ.