ວັນທີ31ທັນວານີ້, ກອງປະຊຸມວຽກງານເສດຖະກິດຂອງເຂດປົກຄອງຕົນເອງຕິເບດຈີນໃຫ້ຮູ້ວ່າ,ໃນປີ2016, ຍອດມູນຄ່າການຜະລິດຂອງທົ່ວເຂດຕິເບດຈະບັນລຸເຖິງ114,8ຕື້ຢວນ,ເພີ່ມຂຶ້ນ11,5%ເມື່ອທຽບກັບປີກາຍ,ເຊິ່ງໄດ້ຮັກສາການເຕີບໂຕຫຼາຍກວ່າ10%ຕໍ່ປີເປັນເວລາ24ປີລຽນຕິດ.
ຢູ່ເຂດຕິເບດ, ລະດັບການພັດທະນາເສດຖະກິດຍັງອ່າວຫຼ້າຫຼັງ,ແລະພື້ນຖານໂຄງລ່າງກໍອ່ອນແອເມື່ອທຽບກັບເຂດອື່ນ, ການລົງທຶນແລະໂຄງການກໍ່ສ້າງຍັງເປັນຕົວຕົ້ນຕໍໃນການຊຸກຍູ້ການພັດທະນາເສດຖະກິດ. ປີ2016, ການລົງທຶນເຂ້າໃນຊັບສິນຄົງທີ່ຢູ່ເຂດຕິເບດບັນລຸເຖິງ161ຕື້ຢວນ,ເພີ່ມຂຶ້ນ20%; ຍອດມູນຄ່າເຄື່ອງບໍລິໂພກສັງຄົມບັນລຸເຖິງ45,7ຕື້ຢວນ,ລາຍຮັບຈາກພາສີອາກອນມີເຖິງ25ຕື້760ລ້ານຢວນ.
ໃນຂະນະທີ່ເສດຖະກິດເຕີບໂຕຢ່າງວ່ອງໄວ,ເຂດຕິເບດກໍໃຫ້ຄວາມສຳຄັນຕໍ່ການຮັບປະກັນແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ,ໃຊ້ງົບປະມານຫຼາຍກວ່າເກົ່າເຂົ້າສູ່ຂົງເຂດປະຊາສົງເຄາະແລະຫຼຸດຜ່ອນຄວາມທຸກຍາກ, ພະຍາຍາດເຮັດໃຫ້ປະຊາຊົນບັນດາເຜົ່າຢູ່ເຂດຕິເບດໄດ້ຊົມໃຊ້ໝາກຜົນແຫ່ງການປະຕິຮູບແລະການພັດທະນານຳກັນ. ປີ2016,ລາຍໄດ້ສຸດທິຂອງປະຊາຊົນໃນຕົວເມືອງ ບັນລຸເຖິງ27875ຢວນ ເພີ່ມຂຶ້ນ10%, ແລະປະຊາຊົນຊົນນະບົດບັນລຸເຖິງ 9316ຢວນ,ເພີ່ມຂຶ້ນ13%ເມື່ອທຽບກັບປີ2015;ຍົກຍ້າຍແຮງງານເຫຼືອເຟືອຂອງເຂດກະສິກຳແລະລ້ຽງສັດ1ລ້ານ1ແສນກວ່າຄົນ,ຫຼຸດຜ່ອນປະຊາຊົນຜູ້ທຸກຍາກເຖິງ1ແສນ3ໝື່ນຄົນ,ຍົກຍ້າຍປະຊາຊົນ7ໝື່ນ7ພັນກວ່າຄົນໄປບ່ອນອື່ນເພື່ອພົ້ນອອກຈາກຄວາມທຸກຍາກ.
 |
