ຫວ່າງກ່ອນນີ້ບໍ່ດົນ,ຫ້ອງວ່າການລັດຖະບານຈີນໄດ້ເຜີຍແຜ່"ແຈ້ງການກ່ຽວກັບຢຸດຕິການແປຮູບທາງການຄ້າແລະ ຈຳໜ່າຍງາຊ້າງພ້ອມຜະລິດຕະພັນຢ່າງມີລະບຽບ", ໂດຍກຳນົດໃຫ້ຢຸດຕິການແປຮູບທາງການຄ້າແລະຈຳໜ່າຍງາຊ້າງພ້ອມຜະລິດຕະພັນງາຊ້າງເທື່ອລະກ້າວກ່ອນວັນທີ31ທັນວາປີ2017, ເຊິ່ງມີຈຸດປະສົງເກືອດຫ້າມການຄ້າຂາຍສັດແລະພືດປ່າຢ່າງຜິດກົດໝາຍ ເຊິ່ງລວມທັງງາຊ້າງ. ທ່ານປີເຕີ ໄນ,ຜູ້ອຳນວຍການໃຫຍ່ອົງການwild Aidທີ່ເປັນອົງການອະນຸລັກສິ່ງແວດລ້ອມເພື່ອສາທາລະນະປະໂຫຍດທີ່ມີຊື່ສຽງໃນສາກົນໃຫ້ສຳພາດວ່າ,ຂໍ້ຕົກລົງດັ່ງກ່າວຂອງລັດຖະບານຈີນມີຄວາມໝາຍທີ່ສຳຄັນຕໍ່ການສິ້ນສຸດການຄ້າຂາຍງາຊ້າງໃນໂລກແລະຕໍ່ຕ້ານກັບການລັກລ່າຊ້າງອາຟຼິກາ. ຫວັງວ່າປະເທດອື່ນໆຈະເດີນຕາມບາດກ້າວຂອງຈີນ, ເກືອດຫ້າມການຄ້າຂາຍງາຊ້າງຢ່າງຮອບດ້ານ.ເຊື່ອວ່າການຮ່ວມມືຢ່າງໃກ້ຊິດລະຫວ່າງພາກສ່ວນປະຕິບັດກົດໝາຍທີ່ກ່ຽວຂ້ອງຂອງບັນດາປະເທດໃນອະນາຄົດ,ກໍ່ຈະເປັນການປົກປ້ອງທີ່ແຂງແຮງຕໍ່ສັດປ່າ.
ແຕ່ປີ2010ເປັນຕົ້ນມາ,ການລັກລ່າຊ້າງອາຟຼິກາ, ແລະຄ້າຂາຍເຖື່ອນງາຊ້າງໃນທົ່ວໂລກເພີ່ມຂຶ້ນຢ່າງວ່ອງໄວ,ເດືອນມີນາປີ2016, ຈີນໄດ້ປະກາດໃຊ້ມາດຕະການທີ່ຢຸດຕິການນຳເຂົ້າງາຊ້າງພ້ອມດ້ວຍຜະລິດຕະພັນງາຊ້າງເປັນເວລາ3ປີ, ຈາກນັ້ນການນຳເຂົ້າງາຊ້າງພ້ອມດ້ວຍຜະລິດຕະພັນງາຊ້າງຢ່າງຜິດກົດໝາຍນັ້ນໄດ້ຫຼຸດລົງຢ່າງເດັ່ນຊັດ.