ບໍລິສັດການບິນໄຫຫຼຳຈີນເຜີຍໃຫ້ຮູ້ວ່າ, ບໍລິສັດການບິນໄຫຫຼຳໄດ້ເປີດຖ້ຽວບິນຈາກຊ່ານຢ້າບິນໄປກັບພະນົມເປັນຢ່າງເປັນທາງການ.
ຜູ້ຮັບຜິດຊອບທີ່ກ່ຽວຂ້ອງຂອງບໍລິສັດການບິນໄຫຫຼຳກ່າວວ່າ, ການເປີດຖ້ຽວບິນໃໝ່ນີ້ ຈະສ້າງຂົວອາກາດທີ່ສຳຄັນຕໍ່ການໄປມາຫາສູ່ກັນທາງເສດຖະກິດການຄ້າແລະປະຊາຊົນລະ ຫວ່າງຈີນແລະກຳປູເຈຍ,ຍິ່ງຈະຊຸກຍູ້ໃຫ້ຂະແໜງການທ່ອງທ່ຽວຂອງສອງຕົວເມືອງດັ່ງກ່າວໄດ້ຂະຫຍາຍ ຕົວຢ່າງແຂງແຮງ. ບໍລິສັດການບິນໄຫຫຼຳເປີດຖ້ຽວບິນຊ່ານຢ້າ-ພະນົມເປັນຢ່າງເປັນທາງການ, ຈະບູລະນະຕາໜ່າງຖ້ຽວບິນສາກົນຂອງບໍລິສັດການບິນໄຫຫຼຳຢູ່ທົ່ວໂລກຕື່ມອີກ, ກໍຈະສະໜອງທາງເລືອກທີ່ສະດວກກວ່າເກົ່າໃຫ້ແກ່ການອອກເດີນທາງຂອງນັກທ່ອງທ່ຽວສາກົນ. ນອກນີ້, ບໍລິສັດການບິນໄຫຫຼຳກໍຈະເປີດຖ້ຽວບິນຈາກຊ່ານຢ້າໄປກັບຊຽມລຽບໃນວັນທີ 11 ມັງກອນນີ້, ເພື່ອເປີດກວ້າງຕາໜ່າງການບິນສາກົນຂອງບໍລິສັດການບິນໄຫຫຼຳຂຶ້ນຕື່ມ.