ວັນທີ 1 ມັງກອນນີ້ ທ່ານສີຈິ້ນຜິງ ປະທານປະເທດຈີນໄດ້ສົ່ງໂທລະເລກສະແດງຄວາມເຫັນໃຈເຖິງທ່ານໂຣດຣີໂກ ດູເຕີເຕ ປະທານາທິບໍດີຟີລິບປິນກ່ຽວກັບປະເທດນີ້ປະສົບ ພາຍຸໄຕ້ຝຸ່ນນົກເຕນ(Nock-ten)ກະໜ່ຳ.
ໂທລະເລກສະແດງຄວາມເຫັນໃຈຂອງທ່ານສີຈິ້ນຜິງລະບຸວ່າ: ພາຍຸໄຕ້ຝຸ່ນນົກເຕນພັດຖະຫຼົ່ມຟີລິບປິນສົ່ງຜົນເຮັດໃຫ້ມີຜູ້ເສຍຊີວິດແລະບາດເຈັບ ແລະເສຍຫາຍທາງຊັບສິນ. ຂ້າພະເຈົ້າຂໍຕາງໜ້າລັດຖະບານແລະປະຊາຊົນຈີນແລະໃນນາມສ່ວນຕົວສະແດງຄວາມຢື້ຢາມຖາມຂ່າວຢ່າງຈິງໃຈຕໍ່ທ່ານແລະປະຊາຊົນເຂດປະສົບໄພ.
ທ່ານສີຈິ້ນຜິງຊີ້ວ່າ: ຈີນ-ຟີລິບປິນເປັນເພື່ອນບ້ານໃກ້ຄຽງທີ່ມີໄມຕີຈິດມິດຕະພາບ, ພວກຂ້າພະເຈົ້າຮູ້ສຶກເປັນຫ່ວງຢ່າງເລິກເຊິ່ງຕໍ່ປະຊາຊົນຟີລິບປິນທີ່ປະສົບໄພທຳມະຊາດແລະບໍ່ມີບ່ອນຢູ່ອາໄສ ທັງຍິນດີໃຫ້ການຊ່ວຍເຫຼືອກູ້ໄພສຸກເສີນແກ່ເຂດປະສົບໄພ ແລະຂ້າພະເຈົ້າເຊື່ອໝັ້ນວ່າ ພາຍໃຕ້ການນຳພາທີ່ເຂັ້ມແຂງຂອງທ່ານປະທານາທິບໍດີແລະລັດຖະບານຟີລິບປິນ, ປະຊາຊົນຟີລິບປິນຈະເອົາຊະນະໄພທຳມະຊາດແລະສ້າງບ້ານແປງເມືອງຄືນໃໝ່.