ອົງການທ່ອງທ່ຽວແຫ່ງຊາດຈີນປະກາດວ່າ: ໃນໄລຍະປີໃໝ່ສາກົນ 2017, ແຫຼ່ງທ່ອງທ່ຽວແຫ່ງຕ່າງໆໃນທົ່ວປະເທດໄດ້ຕ້ອນຮັບນັກທ່ອງທ່ຽວປະມານ 120 ລ້ານເທື່ອຄົນ ແລະ ສາມາດສ້າງລາຍຮັບໄດ້ເຖິງ 67 ຕື້ 900 ລ້ານຢວນ.
ອົງການທ່ອງທ່ຽວແຫ່ງຊາດ ຢືນຢັນໃນວັນທີ 2 ມັງກອນນີ້ວ່າ: ໃນໄລຍະດັ່ງກ່າວ, ນັກທ່ອງທ່ຽວຕົ້ນຕໍໄດ້ໄປທ່ຽວສະຖານທີ່ທ່ອງທ່ຽວທີ່ບໍ່ໄກປານໃດ ໂດຍມີເຖິງ 112 ລ້ານເທື່ອຄົນ.
ຂະນະດຽວກັນ, ຂະແໜງທາງລົດໄຟແລະການບິນພົນລະເຮືອນກໍໄດ້ແຈ້ງໃຫ້ຮູ້ວ່າ, ນັບແຕ່ວັນທີ 31 ທັນວາປີຜ່ານມາ ຫາວັນທີ 2 ມັງກອນນີ້, ລົດໄຟໃນທົ່ວປະເທດໄດ້ບໍລິການຂົນສົ່ງຜູ້ໂດຍສານ 26 ລ້ານ 7 ແສນ 2 ໝື່ນ ກວ່າເທື່ອຄົນ ແລະກໍໄດ້ເພີ່ມຂະບວນລົດໄຟຂຶ້ນອີກ 461 ຂະບວນ, ຂະນະທີ່ຄາດວ່າ ທາງການບິນພົນລະເຮືອນກໍໄດ້ຂົນສົ່ງຜູ້ໂດຍສານເຖິງ 2 ລ້ານ 6 ແສນເທື່ອຄົນ.
