ທະນາຄານ citi handlowy ໄດ້ເຜີຍແຜ່ບົດລາຍງານຍຸດທະສາດການລົງທຶນປີ 2017 ໃນວັນທີ 3 ມັງກອນນີ້ໂດຍຄາດວ່າ, ຈາກການທີ່ລັດຖະບານຈີນຈະສືບຕໍ່ຊຸກຍູ້ມາດຕະການປະຕິຮູບຕ່າງໆນັ້ນຈະເຮັດໃຫ້ເສດຖະກິດຈີນເຕີບໂຕຢ່າງໝັ້ນທ່ຽງໃນປີ 2017, ຄືຈະຢູ່ໃນລະດັບປະມານ 6,5%.
ບົດລາຍງານລະບຸວ່າ, ລັດຖະບານຈີນຈະສືບຕໍ່ຊຸກຍູ້ການປະຕິຮູບຕ່າງໆໃນປີນີ້, ລວມທັງເພີ່ມຄ່າໃຊ້ຈ່າຍໃນການຄົ້ນຄວ້າການພັດທະນາ, ເລັ່ງປະຕິຮູບລະບົບສຳມະໂນຄົວ, ເລັ່ງການປະຕິຮູບລັດວິສາຫະກິດ, ຊຸກຍູ້ລະບົບການຮ່ວມມືລະຫວ່າງວິສາຫະກິດສ່ວນບຸກຄົນ, ສ່ວນລວມແລະອື່ນໆ. ແນວໃດກໍດີບົດລາຍງານຍັງລະບຸວ່າ, ຫຼັງທ່ານໂດນັນ ທຣຳ, ປະທານາທິບໍດີອາເມລິກາຄົນໃໝ່ຂຶ້ນຮັບຕຳແໜ່ງແລ້ວ, ນະໂຍບາຍການຄ້າແລະການຕ່າງປະເທດຂອງອາເມລິກາກໍຍັງບໍ່ຈະແຈ້ງເທື່ອ. ຖ້າວ່າອາເມລິກາຫຼຸດນະໂຍບາຍການຄ້າກັບຈີນ, ຫຼືໃຊ້ມາດຕະການກະຕຸ້ນເສດຖະກິດທີ່ລັດຖະບານຈີນປະຕິບັດນັ້ນບໍ່ໄດ້ບັນລຸຕາມເປົ້າໝາຍຂອງຕະຫຼາດນັ້ນກໍຈະເພີ່ມຄວາມສ່ຽງຕໍ່ການຫຼຸດລົງຂອງເສດຖະກິດຈີນ.