ໃນພິທີຖະແຫຼງຂ່າວທີ່ຈັດຂຶ້ນໃນວັນທີ 4 ມັງກອນນີ້, ທ່ານ ເກິງສວງ ໂຄສົກກະຊວງການຕ່າງປະເທດຈີນກ່າວວ່າ: ທ່ານ ເຊ້ຍສຽວຢຽນ ທູດວິສາມັນກ່ຽວກັບບັນຫາຊີຣີຂອງຈີນຈະຢ້ຽມຢາມຊີຣີໃນບໍ່ດົນນີ້ ເພື່ອຊຸກຍູ້ການຟື້ນຟູຂະບວນການແກ້ໄຂບັນຫາຊີຣີຄືນໃໝ່ໂດຍຜ່ານຊ່ອງທາງການເມືອງໂດຍໄວ.
ທ່ານ ເກິງສວງ ກ່າວວ່າ: ລັດຖະບານ ແລະ ກຸ່ມປະກອບອາວຸດຕໍ່ຕ້ານທີ່ສຳຄັນຂອງຊີຣີໄດ້ເຊັນສັນຍາຢຸດຍິງ ພ້ອມທັງເຫັນດີດຳເນີນການເຈລະຈາໂດຍສັນຕິ ເຊິ່ງເປັນຂີດໝາຍສະແດງໃຫ້ເຫັນວ່າການແກ້ໄຂບັນຫາຊີຣີໂດຍຜ່ານຊ່ອງທາງການເມືອງໄດ້ຮັບໂອກາດໃໝ່.
ທ່ານ ເກິງສວງ ກ່າວຕື່ມວ່າ: ຈີນໃນຖານະເປັນປະເທດສະມາຊິກຖາວອນຂອງສະພາຄວາມໝັ້ນຄົງສະຫະປະຊາຊາດນັ້ນ ໄດ້ເສີມຂະຫຍາຍບົດບາດທີ່ສ້າງສັນແລະຕັ້ງໜ້າມາໂດຍຕະຫຼອດໃນການຊຸກຍູ້ການແກ້ໄຂບັນຫາຊີຣີຢ່າງເໝາະສົມ. ຂະນະທີ່ການເດີນທາງຢ້ຽມຢາມຊີຣີອີກເທື່ອໜຶ່ງໃນອີກບໍ່ດົນຂອງທ່ານເຊ້ຍສຽວຢຽນກໍເພື່ອເພີ່ມທະວີການຕິດຕໍ່ພົວພັນແລະປະສານງານກັບຝ່າຍທີ່ກ່ຽວຂ້ອງ,ສະໜັບສະໜູນຄວາມພະຍາຍາມຂອງປະຊາຄົມໂລກໃນການຊຸກຍູ້ສັນຕິພາບ ແລະ ການຟື້ນຟູຂະບວນການແກ້ໄຂບັນຫາຊີຣີຄືນໃໝ່ໂດຍຜ່ານຊ່ອງທາງການເມືອງໂດຍໄວ.
 |
