ແຫຼ່ງຂ່າວຈາກກອງປະຊຸມວຽກງານຄຸ້ມຄອງໄປສະນີທົ່ວປະເທດຈີນປີ 2017 ໃຫ້ຮູ້ວ່າ ປີຜ່ານມາ, ຂະແໜງການຈັດສົ່ງສິນຄ້າດ່ວນຂອງຈີນສາມາດສ້າງລາຍຮັບໄດ້ເຖິງ 400 ກວ່າຕື້ຢວນ, ສຳເລັດການຈັດສົ່ງສິນຄ້າ 31 ຕື້ 350 ລ້ານຫໍ່ ສືບຕໍ່ຄອງອັນດັບໜຶ່ງຂອງໂລກ.
ທັງນີ້, ກົມໄປສະນີແຫ່ງຊາດຈີນໄດ້ປະກາດວ່າ: ຂະແໜງການຈັດສົ່ງສິນຄ້າດ່ວນທົ່ວປະເທດໃນປີຜ່ານມາ ສາມາດສ້າງລາຍຮັບໄດ້ເຖິງ 400 ຕື້ 500 ລ້ານຢວນ ເພີ່ມຂຶ້ນກວ່າ 40% ເມື່ອທຽບໃສ່ປີ 2015 ແລະສຳເລັດການຈັດສົ່ງດ່ວນ 31 ຕື້ 350 ລ້ານຫໍ່ ເພີ່ມຂຶ້ນຢ່າງວ່ອງໄວໃນຈັງຫວະປະມານ 50% ຢ່າງຕໍ່ເນື່ອງ 6 ປີ.
ສະນັ້ນ, ຈຶ່ງເຮັດໃຫ້ຂະແໜງການຈັດສົ່ງດ່ວນຂອງຈີນກາຍເປັນມ້າມືດຂອງເສດຖະກິດຈີນ ໂດຍໄດ້ສ້າງຄວາມອັດສະຈັນໃນການພັດທະນາຂະແໜງການບໍລິການຈີນ ແລະ ຂະແໜງການໄປສະນີທົ່ວໂລກອີກດ້ວຍ.