ຕາມຂ່າວສານຊິນຮວາ:ວັນທີ 5 ມັງກອນນີ້,ຫ້ອງການຖະແຫຼງຂ່າວປະທານາທິບໍດີຟິລິບປິນກ່າວວ່າ,ໃນຖານະເປັນປະເທດປະທານອາຊຽນປະຈຳປີ 2017,ຟິລິບປິນຈະຊຸກຍູ້ 6 ຫົວຂໍ້ພ້ອມທັງຈັດກິດຈະກຳຕ່າງໆເພື່ອສະເຫຼີມສະຫຼອງທີ່ອາຊຽນສ້າງຕັ້ງຂຶ້ນຄົບຮອບ 50 ປີ.
ໃນການຖະແຫຼງຂ່າວທີ່ທຳນຽບປະທານາທິບໍດີຟິລິບປິນຈັດຂຶ້ນໃນວັນດັ່ງກ່າວ,ທ່ານ ມາຕິນ ອັນດານາ ລັດຖະມົນຕີ່ກະຊວງຖະແຫຼງຂ່າວກ່າວວ່າ,6 ຫົວຂໍ້ນີ້ແມ່ນການສ້າງອາຊຽນທີ່ຖືຄົນເປັນຕົ້ນຕໍ,ສັນຕິພາບແລະຄວາມໝັ້ນຄົງຂອງພາກພື້ນ,ຄວາມໝັ້ນຄົງແລະການຮ່ວມມືທາງທະເລ,ການປະດິດສ້າງແລະການເຕີບໂຕ,ເພີ່ມທະວີພະລິງຊີວິດຂອງອາຊຽນແລະຄວາມເປັນແບບຢ່າງຂອງອາຊຽນໃນຖານະເປັນກຳລັງຂອງພາກພື້ນແລະທົ່ວໂລກ.
ຂະນະດຽວກັນ,ທ່ານຍັງປະກາດວ່າ,ລັດຖະບານຟິລິບປິນໄດ້ກຳນົດຫົວຂໍ້ຫຼັກຂອງອາຊຽນປະຈຳປີ 2017 ຄື "ກອດຊົມການປ່ຽນແປງ,ເຊື່ອມໂຍງເຂົ້າໂລກ".ນອກນີ້,ລັດຖະບານປະເທດຕົນຈະຈັດພິທີເລີ່ມດຳລົງຕຳແໜ່ງປະເທດປະທານອາຊຽນຢູ່ເມືອງດາວໍທາງພາກໃຕ້ໃນວັນທີ 15 ມັງກອນນີ້.