ວັນທີ7ມັງກອນນີ້, ທະນາຄານປະຊາຊົນຈີນໄດ້ເຜີຍແຜ່ຕົວເລກໂດຍສະແດງໃຫ້ເຫັນວ່າ,ນັບມາຮອດວັນທີ31ທັນວາປີ2016, ຄັງສຳຮອງເງິນຕາຕ່າງປະເທດຂອງຈີນມີ3010ຕື້517ລ້ານໂດລາ,ຫຼຸດລົງ41ຕື້81ລ້ານໂດລາເມື່ອທຽບກັບທ້າຍເດືອນພະຈິກປີ2016,ຫຼືຫຼຸດລົງ1,3%.ເຊິ່ງແມ່ນຍອດເຫຼືອຄັງສຳຮອງເງິນຕາຕ່າງປະເທດຂອງຈີນຫຼຸດລົງ6ເດືອນລຽນຕິດ. ນີ້ຄືສະຖິຕິຕ່ຳສຸດຂອງຄັງສຳຮອງເງິນຕາຕ່າງປະເທດຂອງຈີນແຕ່ເດືອນມີນາປີ2011ມານີ້,ປີ2016,ຄັງສຳຮອງເງິນຕາຕ່າງປະເທດຂອງຈີນໄດ້ຫຼຸດລົງທັງໝົດ319ຕື້844ລ້ານໂດລາ.
ເຈົ້າໜ້າທີ່ອົງການຄຸ້ມຄອງເງິນຕາຕ່າງປະເທດແຫ່ງຊາດຈີນກ່າວວ່າ, ເມື່ອສັງເກດສະພາບຂອງເດືອນທັນວາປີ2016ແລ້ວເຫັນວ່າ, ທະນາຄານກາງຂອງຈີນສະໜອງເງິນຕາຕ່າງປະເທດໃຫ້ຕະຫຼາດເພື່ອປັບປຸງຄວາມດຸນດ່ຽງດ້ານການສະໜອງແລະຄວາມຕ້ອງການຂອງເງິນຕາຕ່າງປະເທດ,ອັດຕາແລກປ່ຽນຂອງເງິນຕາທີ່ບໍ່ເປັນສະກຸນໂດລາສະຫະລັດຕໍ່ໂດລາສະຫະລັດອ່ອນຄ່າລົງໂດຍລວມ, ແລະປັດໄຈອື່ນໆ,ຈຶ່ງເຮັດໃຫ້ຄັງສຳຮອງເງິນຕາຕ່າງປະເທດຂອງຈີນໄດ້ຫຼຸດລົງ.