ວັນທີ 7 ມັງກອນນີ້, ພິທີເລີ່ມສ້າງເຂດອຸດສາຫະກຳຈີນສີງລັງກາໄດ້ຈັດຂຶ້ນຢູ່ຮາມບັນໂຕຕາເມືອງພາກໃຕ້ຂອງສີລັງກາ. ທ່ານຣານີວ ວີກເຣເມຊີງ ຮາ ນາຍົກລັດຖະມົນຕີສີລັງກາແລະທ່ານອີ້ຊ່ຽນລຽງ ເອກອັກຄະລັດຖະທູດຈີນປະຈຳສີລັງກາໄດ້ເຂົ້າເປີດປ້າຍເຂດ ເຊິ່ງເປັນສັນຍະລັກສະແດງໃຫ້ເຫັນວ່າໂຄງການຮ່ວມມືທີ່ໃຫຍ່ຫຼວງລະຫວ່າງສອງປະເທດໄດ້ເລີ່ມຕົ້ນຢ່າງເປັນທາງການ.
ທ່ານຣານີວ ວີກເຣເມຊີງຮາ ນາຍົກລັດຖະມົນຕີສີລັງກາໄດ້ຂອບໃຈຈີນທີ່ລົງທຶນຢູ່ເຂດຮາມບານໂຕຕາຊ່ວຍເຫຼືອການພັດທະນາແລະຍົກສູງລະດັບຊີວິດການເປັນຢູ່ຂອງປະຊາຊົນເຂດນີ້. ກ່ຽວກັບອະນາຄົດທີ່ຈີນຈະລົງທຶນ 5 ຕື້ໂດລາໃຫ້ເຂດອຸດສາຫະກຳຈີນສີລັງກາໃນ 3 ຫາ 5 ປີຕໍ່ໜ້າ, ທ່ານວີກເຣເມຊີງຮາກ່າວວ່າ, ນີ້ຈະຊ່ອຍເຫຼືອເສດຖະກິດສີລັງກາໃຫ້ມີການພັດທະນາຢ່າງວ່ອງໄວ.
ຕາມແຜນການ, ເຂດອຸດສາຫະກຳຈີນສີລັງກາຮາມບັນໂຕຕາມີເນື້ອທີ່ 50 ຕາລາງກິໂລແມັດ, ຖືການຄ້າແລະການຈໍລະຈອນສິນຄ້າເປັນຂະແໜງການຕົ້ນຕໍ, ພ້ອມທັງພັດທະນາການບໍລິການເຮືອ, ການປຸງແຕ່ງຜະລິດຕະພັນທະເລ, ປຸງແຕ່ງຜະລິດຕະພັນກະສິກຳເປັນຕົ້ນແລະອື່ນໆ. ແນວໃດກໍດີ, ການພັດທະນາສ້າງສາເຂດອຸດສາຫະກຳແຫ່ງນີ້ຈະຊຸກຍູ້ການພັດທະນາຂອງພາກໃຕ້ສີລັງກາ, ກໍ່ມີຜົນດີຕໍ່ການເພີ່ມທະວີແລະລົງເລິກການຮ່ວມມືທາງການລົງທຶນແລະຄວາມສາມາດການຜະລິດລະຫວ່າງຈີນ-ສີງລັງກາຕື່ມອີກ.