ໃນງານສະຫຼອງບຸນກຸດຈີນ2017ຂອງນັກສຶກສາຈີນຢູ່ຣັດເຊຍທີ່ຈັດຂຶ້ນຢູ່ສະຖານທູດຈີນປະຈຳຣັດເຊຍໃນວັນທີ 8 ມັງກອນນີ້, ທ່ານຈ້າວໂກວເສິງ ທີ່ປຶກສາຊັ້ນອັກຄະລັດຖະທູດພະແນກສຶກສາທິການສະຖານທູດຈີນປະຈຳຣັດເຊຍຢືນຢັນວ່າ: ປັດຈຸບັນ, ການແລກປ່ຽນນັກສຶກສາແລະບຸກຄະລາກອນລະຫວ່າງຈີນ-ຣັດເຊຍບັນລຸເຖິງ 7 ໝື່ນກວ່າຄົນແລ້ວ ເຊິ່ງໃນນີ້ບໍ່ພຽງແຕ່ມີຜູ້ທີ່ຄົ້ນຄວ້າຮ່ຳຮຽນຢູ່ແຕ່ລະປະເທດເປັນເວລາຍາວນານເທົ່ານັ້ນ ຍັງລວມທັງນັກສຶກສາແລະບຸກຄະລາກອນແລກປ່ຽນເປັນໄລຍະສັ້ນໃນສອງປະເທດອີກດ້ວຍ.
ກ່ອນໜ້ານີ້, ຈີນແລະຣັດເຊຍໄດ້ຕັ້ງເປົ້າໝາຍເຮັດໃຫ້ຍອດຈຳນວນນັກສຶກສາຈີນແລະຣັດເຊຍທີ່ໄປຮຽນຢູ່ແຕ່ລະປະເທດເພີ່ມຂຶ້ນເປັນ 1 ແສນຄົນ ຮອດປີ 2020, ທ່ານຈ້າວໂກວເສິງເຫັນວ່າ ຕາມຍອດຈຳນວນນັກສຶກສາແລະບຸກຄະລາກອນແລກປ່ຽນພ້ອມດ້ວຍຈັງຫວະການເຕີບໂຕໃນປັດຈຸບັນ, ເປົ້າໝາຍ 1 ແສນຄົນທີ່ຄະນະກຳມະການຮ່ວມມືວັດທະນະທຳສອງປະເທດຕັ້ງໄວ້ນັ້ນແມ່ນຈະສາມາດບັນລຸຜົນເປັນຈິງໄດ້.
 |
