ວັນທີ 10 ມັງກອນນີ້ຢູ່ນະຄອນຫຼວງປັກກິ່ງ,ທ່ານໂກ່ວເຊິງຄຸນ ທີ່ປຶກສາແຫ່ງລັດ,ລັດຖະມົນຕີກະຊວງປ້ອງກັນຄວາມສະຫງົບຈີນໄດ້ພົບປະກັບທ່ານອາເມັດ ຈາຮິດ ຮາມີດີ ຮອງນາຍົກລັດຖະມົນຕີທັງເປັນລັດຖະມົນຕີກະຊວງພາຍໃນມາເລເຊຍໃນໂອກາດເດີນທາງຢ້ຽມຢາມຈີນ.
ທ່ານໂກ່ວເຊິງຄຸນຢືນຢັນວ່າຫວັງໃຫ້ສອງຝ່າຍເອົາໃຈໃສ່ຈັດຕັ້ງປະຕິບັດຄວາມຮັບຮູ້ສຳຄັນທີ່ເປັນເອກະພາບກັນລະຫວ່າງຜູ້ນຳສອງປະເທດ, ເພີ່ມຄວາມໄວ້ເນື້ອເຊື່ອໃຈທາງການເມືອງ,ເປີດກວ້າງການຮ່ວມມືຕົວຈິງ,ພະຍາຍາມເຮັດໃຫ້ການຮ່ວມມືໃນຂົງເຂດຕ້ານອາຊະຍາກຳຂ້າມຊາດເປັນຕົ້ນການຕ້ານການກໍ່ການຮ້າຍ,ປາບປາມຢາເສບຕິດ,ປາບປາມການຫຼອກລວງທາງໂທລະຄົມແລະອື່ນໆປະສົບຜົນສຳເລັດຫຼາຍກວ່າເກົ່າ ທັງສົ່ງເສີມການພົວພັນດ້ານເສດຖະກິດການຄ້າແລະບຸກຄະລາກອນ ແລະຮ່ວມກັນສ້າງສະພາບແວດລ້ອມທີ່ ດີຕໍ່ການພັດທະນາແລະຄວາມຈະເລີນຮຸ່ງເຮືອງຂອງສອງປະເທດກໍຄືພາກພື້ນໃຫ້ຫຼາຍຂຶ້ນ ເພື່ອປະກອບສ່ວນອັນໃໝ່ເຂົ້າໃນການເສີມຂະຫຍາຍສາຍພົວພັນຄູ່ຮ່ວມມືຍຸດທະສາດຮອບດ້ານຈີນ-ມາເລເຊຍ.
ທ່ານຈາຮິດຢືນຢັນວ່າ ຍິນດີຮ່ວມກັບຈີນເພີ່ມທະວີການຮ່ວມມືດ້ານການປະຕິບັດກົດໝາຍແລະຄວາມໝັ້ນຄົງຕື່ມອີກແລະຊຸກຍູ້ສາຍພົວພັນລະຫວ່າງສອງປະເທດໃຫ້ຂະຫຍາຍຕົວຂຶ້ນສູ່ລະດັບໃໝ່.
 |
