ວັນທີ 10 ມັງກອນນີ້, ບໍລິສັດຢູນຽນເພສາກົນຈີນຈຳກັດໄດ້ໃຫ້ຮູ້ວ່າ: ແຕ່ປີ 2017 ເປັນຕົ້ນໄປ, ບໍລິສັດຂອງຕົນຈະໂຄສະນາບັດສະເພາະອາຊີຢູ່ຕະຫຼາດຕ່າງປະເທດຢ່າງຮອບດ້ານ, ຂະນະທີ່ອົງການທີ່ສຳຄັນຫຼາຍສິບແຫ່ງທັງຈາກຕະຫຼາດອາຊີກາງ,ອາຊີຕາເວັນອອກສຽງໃຕ້ແລະອື່ນໆມີແຜນຈະອອກບັດດັ່ງກ່າວໃນປີນີ້ ເພື່ອສະໜອງການບໍລິການການຈ່າຍວິທີໃໝ່ໃຫ້ແກ່ນັກທ່ອງທ່ຽວແລະລູກຄ້າທີ່ສັນຈອນໄປມາເຂດອາຊີເລື້ອຍໆ.
ບັດສະເພາະອາຊີມີສອງຊະນິດຄື:ບັດທ່ອງທ່ຽວອາຊີແລະ AsiaPrestige, ໃນນັ້ນ, ບັດທ່ອງທ່ຽວອາຊີຕົ້ນຕໍເນັ້ນໃສ່ນັກທ່ອງທ່ຽວທົ່ວໄປ ໂດຍລວມແລ້ວຢູ່ໄທ,ມຽນມາ,ຟີລິບປິນ,ມາເລເຊຍແລະອາເມລິກາເປັນຕົ້ນໄດ້ອອກແລ້ວ 5 ແສນກວ່າບັດ; ສ່ວນ AsiaPrestige ເນັ້ນໃສ່ນັກທຸລະກິດລະດັບສູງ ໂດຍຜູ້ຖືບັດສາມາດໃຊ້ບໍລິການຫ້ອງVIP 850 ກວ່າຫ້ອງຂອງສະໜາມບິນແລະສະຖານີລົດໄຟຄວາມໄວສູງ 450 ກວ່າແຫ່ງໃນໂລກໄດ້ ລວມທັງການບໍລິການຮັບ-ສົ່ງເຖິງສະໜາມບິນຂອງ 60 ຕົວເມືອງທີ່ສຳຄັນຂອງອາຊີ ກໍຄືການຊ່ວຍເຫຼືອດ້ານການປິ່ນປົວ, ການທ່ອງທ່ຽວໃນໂລກ ແລະ ການຊ່ວຍເຫຼືອດ້ານການປິ່ນປົວ VIP ຢູ່ຈີນແລະການບໍລິການອື່ນໆ.
ຂ່າວແຈ້ງວ່າ, ປັດຈຸບັນ, ການອອກບັດຢູນຽນເພຢູ່ຕ່າງປະເທດໄດ້ມີເຖິງ 68 ລ້ານກວ່າບັດແລ້ວ.