ວັນທີ 10 ມັງກອນນີ້, ທ່ານ ຊຸ່ຍທ່ຽນໄຂ ເອກອັກຄະລັດຖະທູດຈີນປະຈຳອາເມລິກາກ່າວເນັ້ນວ່າ: ປີນີ້ແມ່ນປີທີ່ຈີນແລະອາເມລິກາລົງນາມໃນ "ຖະແຫຼງການຊຽງໄຮ"ຄົບຮອບ 45 ປີ, ຂໍພຽງແຕ່ຍຶດໝັ້ນຫຼັກການພື້ນຖານທີ່ຢືນຢັນໃນຖະແຫຼງການຮ່ວມ 3 ສະບັບຂອງສອງຝ່າຍລວມທັງຖະແຫຼງການດັ່ງກ່າວ, ເຖິງວ່າສາຍພົວພັນລະຫວ່າງສອງປະເທດອາດຈະປະສົບຄວາມຫຍຸ້ງຍາກກໍຕາມ,ແຕ່ສອງຝ່າຍກໍສາມາດຫຼີກເວັ້ນການຕໍ່ຕ້ານແລະການປະທະກັນໄດ້ ໂດຍເພີ່ມທະວີການຮ່ວມມືສ້າງຄວາມເຂົ້າໃຈ ພ້ອມທັງສ້າງຄວາມສົມບູນພູນສຸກໃຫ້ແກ່ປະຊາຄົມໂລກໃຫ້ຫຼາຍກວ່າເກົ່າ.
ທ່ານ ຊຸ່ຍທ່ຽນໄຂ ໄດ້ໃຫ້ທັດສະນະດັ່ງກ່າວຂະນະທີ່ເຂົ້າຮ່ວມການວາງສະແດງແລະສາຍຮູບເງົາສາລະຄະດີ "ຊາວຢີ້ວຢູ່ຊຽງໄຮ" ທີ່ກຸ່ມບໍລິສັດເວີນກວາງຊຽງໄຮຈີນຖ່າຍທຳ ແລະ ງານລ້ຽງເພື່ອສະເຫຼີມສະຫຼອງການສ້າງສາຍພົວພັນທາງການທູດລະຫວ່າງຈີນ-ອິສຣາແອນຄົບຮອບ 25 ປີທີ່ຈັດຂຶ້ນຢູ່ອາຄານລັດຖະສະພາອາເມລິກາ.
ທ່ານ ຊຸ່ຍທ່ຽນໄຂ ກ່າວຕື່ມວ່າ: ໃນອະນາຄົດ,ຂໍພຽງແຕ່ຈີນແລະອາເມລິກາສືບຕໍ່ຍຶດຖືທັດສະນະຄະຕິຕໍ່ຫຼັກການພື້ນຖານໃນການເສີມຂະຫຍາຍສາຍພົວພັນລະຫວ່າງຈີນ-ອາເມລິກາ, "ຖ້າເຖິງວ່າຈະພົບກໍລະນີທີ່ ຫຍຸ້ງຍາກ, ພວກເຮົາກໍຈະສາມາດຍຶດໝັ້ນການບໍ່ປະທະແລະບໍ່ຕໍ່ຕ້ານກັນ,ເພີ່ມທະວີຄວາມເຂົ້າໃຈແລະເຄົາລົບເຊິ່ງກັນແລະກັນ,ເປີດກວ້າງການຮ່ວມມືແບບຕ່າງຝ່າຍຕ່າງມີຜົນປະໂຫຍດພ້ອມທັງສ້າງຄວາມສົມບູນພູນສຸກໃຫ້ແກ່ປະຊາຊົມໂລກໃຫ້ຫຼາຍກວ່າເກົ່າ".