ໄລຍະນີ້,ເມືອງຄຸນມິງແຂວງຢຸນນານ ສປ ຈີນ ໄດ້ເຂົ້າສູ່ໄລຍະທີ່ດອກສະກຸລະລະດູໜາວເບັ່ງບານໂດຍຕົ້ນດອກສະກຸລະ 600 ກວ່າຕົ້ນຢູ່ສອງຟາກທາງຫົງຖາຊີ ແຄມໜອງຕ່ຽນສືໄດ້ເບັ່ງບານສວຍງາມທີ່ສຸດ ເຊິ່ງຄວາມສວຍງາມດັ່ງກ່າວກໍໄດ້ດຶງດູດຊາວເມືອງແລະນັກທ່ອງທ່ຽວຈຳນວນບໍ່ໜ້ອຍເດີນທາງໄປຖ່າຍຮູບ. ດອກສະກຸລະລະດູໜາວເປັນພັນໄມ້ພື້ນເມືອງທີ່ມີສະເພາະຢູ່ແຂວງຢຸນນານ ແລະເນື່ອງຈາກວ່າມັນບານໃນລະດູໜາວຈິ່ງໄດ້ຊື່ວ່າສະກຸລະລະດູໜາວ,ພັນສະກຸລະໄດ້ສ້າງຄຸນຄ່າໃນການຊື່ນຊົມແລະບານໃນລະດູໜາວພຽງໜຶ່ງດຽວໃນພັນສະກຸລະທີ່ເກີດຕາມທຳມະຊາດຂອງຈີນ ທັງເປັນພືດສະຫງວນຊັ້ນສອງຂອງແຂວງຢຸນນານ.