ເຈົ້າໜ້າທີ່ກົມປ່າໄມ້ແຫ່ງຊາດຈີນຊີ້ໃຫ້ເຫັນວ່າ: ປີ 2016, ການປະສົມພັນທຽມໝີແພນດາ ແລະປ່ອຍຄືນສູ່ທຳມະຊາດມີຄວາມຄືບໜ້າໃໝ່ ໂດຍມີເຖິງ 64 ໂຕ, ແຕ່ກໍໜ້າເສຍດາຍທີ່ຍັງເຫຼືອພຽງແຕ່ 54 ໂຕເທົ່ານັ້ນໃນນີ້ລວມທັງທີ່ຢູ່ຕ່າງປະເທດ. ປັດຈຸບັນ, ໝີແພນດາທີ່ປະສົມພັນທຽມໃນທົ່ວປະເທດຈີນມີເຖິງ 464 ໂຕ. ຂະນະທີ່ສິບກວ່າປີຜ່ານມາ, ໝີແພນດາມີພຽງແຕ່ 7 ໂຕໄດ້ປ່ອຍຄືນສູ່ທຳມະຊາດຫຼັງຝຶກແອບພິເສດ ແລະຫຼັງຈາກການຕິດຕາມກໍມີ 5 ໂຕຍັງມີຊີວິດ ແລະມີສຸຂະພາບແຂງແຮງດີ.
ໃນເດືອນຕຸລາປີ 2016, ຈີນໄດ້ທົດລອງປ່ອຍໝີແພນດາຄືນສອງໂຕເຂດອະນຸລັກທຳມະຊາດລະດັບຊາດຢູ່ເມືອງຢາອັນ ແຂວງເສສວນພ້ອມກັນເປັນເທື່ອທຳອິດ ແລະພາຍຫຼັງປ່ອຍໝີແພນດາປະສົມພັນທຽມທີ່ໄດ້ຝຶກແອບເປັນພິເສດຄືນທຳມະຊາດບໍ່ພຽງແຕ່ຈະເຮັດໃຫ້ມີຫຼາຍສາຍພັນ ແລະຄວາມຫຼາກຫຼາຍທາງພັນທຸກຳ, ຍັງອຳນວຍໃຫ້ແກ່ການອະນຸລັກຮັກສາສັດປ່າທີ່ໃກ້ຈະສູນພັນຕື່ມອີກ.
 |
