ທ່ານ ລູ້ຄ່າງ ໂຄສົກກະຊວງການຕ່າງປະເທດຈີນ ໄດ້ແຈ້ງສະພາບຂອງທ່ານ ສີຈິ້ນຜິງ ປະທານປະເທດຈີນທີ່ໃກ້ຈະເຂົ້າຮ່ວມກອງປະຊຸມປີ 2017 ຂອງເວທີປຶກສາຫາລືເສດຖະກິດໂລກດາວົສຢູ່ນະຄອນຫຼວງປັກກິ່ງໃນວັນທີ 11 ມັງກອນນີ້ ວ່າ, ເສດຖະກິດໂລກປັດຈຸບັນ ພວມຢູ່ໃນໄລຍະເປັນຂໍກະແຈຈາກພະລັງແຮງເກົ່າຫັນມາເປັນພະລັງແຮງໃໝ່ຂອງການເຕີບໂຕ ເຊິ່ງເປັນເລື່ອງຍາກທີ່ພະລັງແຮງເກົ່າຈະສະໜັບສະໜູນຂະບວນການຟື້ນຟູເສດຖະກິດ, ຂະນະທີ່ການຄ້າແລະການລົງທຶນສາກົນຊຸດໂຊມລົງ, ລັດທິປົກປ້ອງປາກົດຂຶ້ນ, ໂຄງປະກອບການຄ້າຫຼາຍຝ່າຍຖືກຜົນກະທົບ ແລະຂະບວນການເສດຖະກິດໃນຍຸກໂລກາພິວັດກໍຜະເຊີນກັບຄວາມສົງໄສຈຳນວນໜຶ່ງ. ແນວໃດກໍດີ, ຈີນຈະຕັ້ງໜ້າຊຸກຍູ້ຂະບວນການເສດຖະກິດໃນຍຸກໂລກາພິວັດໃຫ້ຂະຫຍາຍໄປສູ່ທິດກວມລວມແລະສ້າງຜົນປະໂຫຍດໃຫ້ທຸກໆຝ່າຍຫຼາຍກວ່າເກົ່າ.
ທ່ານ ລູ້ຄ່າງ ຊີ້ວ່າ, ຈີນຍັງຈະຮ່ວມກັບຝ່າຍຕ່າງໆ ພ້ອມກັນຊອກຫາທິດທາງແລະຊ່ອງທາງທີ່ເຮັດໃຫ້ເສດຖະກິດໂລກຟື້ນຕົວຄືນໃໝ່ ແລະຕອບຮັບຄວາມສົນໃຈຂອງປະຊາຄົມໂລກຕໍ່ຈຸດສຸມຂອງເສດຖະກິດຈີນ.